Hereketa Ensarullaha Yemenê ragihand ku, di çarçoveya destek dayîne berxwedana Xezzeyê de wargeheke leşkerî ya siyonîst a li Tel Avîvê û keştîyeke herbê yê bi navê “Truman”ê ya Emerîkayê ya li Behra Sor hedef girtin.

Yehya Serîyê Berdevkê Ensarullahê di daxuyaniya belav kir diyarkir ku, Ew ji bo "bersivdana zilma ku li gelê Filistînê û mucahidên wê yên mêrxas û qirkirina berdewam a li dijî birayên wan ên li Xezzeyê tê kirin" du operasyon li dar xistin.

Serî derheqê operasyonan de wisa peyivî:

“Yekîneyên balafirên bêmirov ên Hêzên Çekdar ên Yemenê, li herêma Yafaya (Tel Avîv) ya îşxalkirî ya îsraîlê bi balafirên bêmirov a bi tîpa 'Yafa' hedefeke leşkerî kirin hedef.

Li hember êrîşên Emerîkayê yên li ser bajarên curbecur, gelek keştiyên şer ên dijmin ku li bakurê Deryaya Sor bi cih bûne, bi taybetî keştiya balafiran a Emerîkayê "Truman" bûn hedefa rêze balafirên bêmirov.

Emê tu car sekna xwe ya li kêleka gelê mezlûm ên Filistînê xera nekin, emê teslîmî êrîşên Emerîkayê nebin û emê sekinandina çûnûhatina behrê ya li Behra Sor û Behra Ereb de bidomînin.” (ÎLKHA)