Tevgera Berxwedana Îslamî ya Filistînê HAMAS, derheqê êrîşên sîyonîstên îşxalker ên li ser Libnanê de daxuyanîyek belav kir û di daxuyanîyê de êrîşên ku bi taybetî sîvîlan û endamên artêşê hedef digrin bi zimanekî dijwar şermezar kir.

Di daxuyanîya ku ji teref Ofîsa Hamasê ya li Libnanê ve hat belavkirin de weha hat gotin, “Li hember bomberdman û sûîqestên sîyonîstên dijmin ku piştî agirbestê jî bênavber didomîne divê êdî civaka navneteweyî tevbigerin û divê rejima îşxalker jî tabi’ê hemû peymanên ku îmze kirîye bibe.”

Di daxuyanîyê de ji bo sê leşkerên Libnanî yên ku li ser wezîfeyê canê xwe ji dest dan û sîvîl û endamên Hîzbullahê yên ku di êrîşan de şehîd bûne jî peyameke şînê hat dayîn.

Hat îfadekirin “Em ji dewleta Libnanê, hikûmet, gel û artêşa wî re şîna xwe ya kur û hîsên xwe yên piştgirîyê pêşkêşî dikin.” Û hat ragihandin ku şehîd bi fedekarî têne yadkirin û ji bo birîndaran jî daxwazîya şîfa lezgîn hat kirin. (ÎLKHA)