Li navçeya Noşkî ya Belûcistana Pakistanê, tankereke petrolê piştî agir pê ket teqiya û herî kêm 40 kes birîndar bûn.

Wekîlê Komîserê Noshkiyê (DC) Amjad Soomro ji medyaya herêmî re got, "Tankera petrolê dema ku li depoya qamyonan parkkirî bû agir pê ket, di encamê de herî kêm 40 kes birîndar bûn." Û diyar kir ku agir ji ber karê qayimkirinê yê li ser tankerê çêbûye.

Soomro got, "Dema ku tîmên îtfaîyeyê micadele didan agir kontrol bikin, qamyon teqîya," û da zanîn ku di bûyerê de karmendên îtfaîyeyê bi giranî birîndar bûn.

Soomro diyar kir ku çar polêsên ku ji bo rakirina welatiyan hatine cihê bûyerê jî birîndar bûne û got ku kesên ku nêzîkî tankera petrolê bûn ji sedî 70-80 şewitîne.

Soomro got, "Kesên ku bi giranî şewitîne bi helîkopterê bo Quetta hatin veguhastin."

Berdevkê Hikûmeta Belûcistanê Şahîd Rind di daxuyaniya xwe de got ku di bûyerê de zêdetirî 30 kes şewitîn.

Rind got, "Agir ewqas dijwar bû ku wesayîta îtfaîyeyê ya li cihê bûyerê jî girt nav xwe."

Li gorî lêkolînên destpêkê, dema ku sotemeniya rijandî ji teref xelkê deverê ve dihat berhevkirin, teqîn û agir ji ber cixareyekê çêbûye. (ÎLKHA)