Li Nyala, paytexta wîlayeta Darfûra Başûr a li başûrê rojavayê Sûdanê, di êrîşeke bi dronê de li ser bazarekê zêdetirî 100 kes hatin kuştin û 113 kes birîndar bûn.

Parêzerên Emergency, rêxistineke mafên mirovan e ku tundûtûjiya li welat dişopîne, di daxuyaniyekê de got ku êrîş êvara Duşemê pêk hatiye.

Di daxuyaniyê de hat destnîşankirin ku beşek girîng ji kesên ku hatine kuştin û birîndar bûne jin û zarok in. Rêxistinê, artêşa Sûdanê berpirsyar dibîne û êrîş şermezar dike û daxwaza lêpirsînek serbixwe dike.

Rêxistinê diyar kir ku êrîşê bazarek ku sivîl lê kirrîn dikirin veguherandiye cihekî ku gelek mirin û birîndarî lê çêbûne, û rewşa jixwe dijwar a ku nifûsa herêmî ji ber şerê berdewam pê re rû bi rû maye, hîn xirabtir kiriye.

Rêxistina Doxtorên Bêsînor (MSF) berê diyar kiribû ku 36 cenaze anîne yek ji nexweşxaneyên wan ên li Nyala û 150 birîndar jî li beşa lezgîn têne dermankirin. (ÎLKHA)