13 oC 
Güneşli
Rejima îşxalker li Xezzeyê herba xwe ya qirkirina didomîne. Di roja 95emîn de, herî kêm 95 Filistînîyên ku di nav wan de yên ku li hêvîya alîkarîyê bûn jî hene hatin şehîdkirin. Îşxalkerên sîyonîst, gelê ku dorpêç kirîye bi birçîbûnîyê dixwaze ku tune bike û cîhên ku gel li hêvîya alîkarîyê ne jî hedef digre.
Di herba ku rejima îşxalker li Xezzeyê daye destpêkirin de rûpelekî reş ê nû hat vekirin.
Di nav 24 seatên dawîn de herî kêm 92 Filistînî şehîd bûn, bi dehan jî birîndar bûn.
Hat îfadekirin ku ji şehîdan 23 kesên wan li hêvîya alîkarîyêbûne û ji teref îşxalkeran ve hatin kuştin.
Bi taybetî êrîş derdorê Qorîdora Netzarîmê mirovên ku li hêvîya alîkarîyê ne û herêmên Deyr el Belah û Cîbalîyeyê zêde bûne.
Li gorî çavkanîyên Nexweşxaneya El-Avdeyê di encama gulereşandina li ser sîvîlên ku li hêvîya Alîkarîyê bûne de 23 sîvîl şehîd bûne, gelek kes jî birîndar bûn. Li heman cîhê dîsa êrîşên ewakî çêbûbûn.
Hat îfadekirin ku di navbera şehîdan de pîrek û zarok jî hene, mirovên ku bûyerê dîtine îfade dikin ku cesedê sîvîlan bi seatan li erdê mane û nikaribûne ji erdê rakin.
Di dema êrîşa hewayî ya li rojhilata Deyr el-Belahê de jî 8 kes şehîd bûn, hinek giran gelek kes jî birîndar bûn.
Li rojhilata Cîbalîyeyê jî di navbera micahîdên Tûgayên Îzzeddîn El Qessam û sîyonîstên îşxalker de pevçûnên dijwar pêk hatine. Şervanên Qessam sê tankên merkawayê îmhe kirin. (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Gelê Îranê, li dijî destdirêjiya rejîma sîyonîst yekgirtî, li Tehranê û li giştîyê welat meşek hêrs û serkeftinê li dar xist.
Di demekê de ku rejîma sîyonîst êrîşên xwe yên li ser Îranê didomîne, Emrîka û Elmanya 14 balafirên kargoyê yên leşkerî ji bona ku rasterast piştgiriyê bidin artêşa îşxalker şandin axên îşxalkirî. Hejmara giştî ya balafirên leşkerî yên ku ji destpêka êrîşên li ser Xezzeyê di 7ê Cotmeha 2023an de gihîştine rejîma sîyonîst ji 800î derbas bûye.
Sîyonîstên îşxalker, di seatên serê sibehê de li dijî El Xelîla Şerîaya Rojavayê êrîşeke berfireh da destpêkirin, di êrîşê de herî kêm 30 Filistînîyan êsîr girtin. Di êrîşan de gelek xanî hatin lêgerînkirin, nav malan hatin wêrankirin û hinek Filistînî hatin derpkirin.
