Hejmara şehîdên ku di êrîşên rejîma sîyonîstî ya li ser Xezzeyê de ji Cotmeha 2023an vir ve hatine kuştin gihîştiye 73 hezar û 41 kesan.

Wezareta Tenduristiyê ya Xezzeyê daxuyaniyek nivîskî weşand û derbarê kuştî û birîndarên ji ber êrîşan de agahî parve kir.

Li gorî daxuyaniyê, di 24 saetên dawî de 2 şehîd û 14 birîndar ji nexweşxaneyên li Xezzeyê re hatine veguhastin.

Ji 10ê Cotmeha 2025an vir ve, ji dema ku agirbest li Xezzeyê dest pê kir, di êrîşên rejîma sîyonîst de 1029 kes şehîd bûn û 3294 kes jî birîndar bûn. Her wiha, cenazeyên 785 kesan ji bin xirbeyan hatin derxistin.

Li gorî daneyan, hejmara şehîdên ku di êrîşên ji Cotmeha 2023an vir ve li Xezzeyê hatine kirin de gihîştiye 73 hezar û 41î û hejmara birîndaran jî gihîştiye 173 hezar û 402î.

Rayedar dibêjin ku bi hezaran cenaze hêna jî di bin xirbeyên avahiyên wêranbûyî yên li seranserê Şerîda Xezzeyê de ne. (ÎLKHA)