Di êrîşên ku ji aliyê îşxalkerên sîyonîst ve li deverên cuda yên Xezzeyê hatin kirin de 5 Filistînî şehîd bûn.

Sîyonîstên îşxalker, ku li dijî peymana agirbestê ya li Xezzeyê êrîşên xwe didomînin, ew bi top, balafirên bêmirov û gulebaranên rasterast êrîşî Filistînîyan kirin.

Dema ku konê malbatên aware yên li rojavayê Xan Yûnisê ji aliyê bêmirovên rejîma sîyonîst ve hate hedefgirtin, çar filistînî şehîd bûn û gelekên din jî birîndar bûn.

Li Kampa Penaberan a Cebeliyeyê li bakur, Cîhad el-Gendûr ê 7 salî ku bi guleyên hêzên îşxalker ên li dora Kolana el-Huce birîndar bûbû, li nexweşxaneya ku lê hatibû birin şehîd ket.

Li gorî daneyên wezaretê, ji 11ê Cotmeha 2025an vir ve, hejmara şehîdên Filistînî gihîştiye 1488an û hejmara birîndaran jî gihîştiye 5281an. Her wiha, cesedên 836 Filistîniyên ku berê şehîd bûbûn jî di nav xirbeyan de hatine derxistin.

Ji 7ê Cotmeha 2023an vir ve ku êrîşên li Xezeyê dest pê kirin, hejmara giştî ya şehîdan gihîştiye 74 hezar û 377 kesan, hejmara birîndaran jî gihîştiye 175 hezar û 398 kesan. (ÎLKHA)