Qatilên sîyonîst konekî hedef girt: Ji heman malbatê 5 şehîd

CÎHAN

Artêşa rejima îşxalker, êrîşî Xezzeyê kir, di êrîşê de kona malbata Ebû Tuaymeyê hedef girt û malbat bi temamî şehîd bûn.

Di êrîşên rejima îşxalker a li ser Xezzeyê de, malbata Ebû Tuayme şehîd bûn.

Dê, bav û 3 zarok ji herêma el-Mewasîya Xezzeyê mecbûr man ku malên xwe terk kirin û di konê de jîyana xwe derbas dikirin.

Artêşa îşxalê, di dema şebeqê de êrîşî herêma El Mewasîyê kir.

Di encama êrîşê de endamên malbata Ebû Tuaymeyê şehîd bûn.

Hat ragihandin ên ku di êrîşê de şehîd bûne ev in; Dayîk Hanadî Şaban Ebû Tuayme, bav Îbrahîm Xelîl Ebû Tuayme û zarokên wan Semîra (8), Azîm (6) û Rafet (4) Tuayme.

Malbata ku ji cotgeha xwe revîyan û xwe sipartin başûrê Xezzeyê di nav konê de hatin qetilkirin.

Rejima îşxalker ji xerakirina agirbestê ku dîroka wî 18ê Adara 2025an e vir ve herî kêm 1978 kesan şehîd kir, ji 5 hezarî zêdetir Filistînîyan jî birîndar kir.

Ji 7ê Cotmeha 2023yan vir ve jî hejmarê şehîdan 51 hezarî derbas kir û birîndar jî 117 hezarî derbas kir. (ÎLKHA)

Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.