100 Filistînîyên din jî li deverên curbicur ên Şerîeya Rojava ya îşxalkirî ji teref rejîma îşgalker a sîyonîst ve hatin destesergirtin.

Rejîma sîyonîst li Şerîeya Rojava ya îşxalkirî li dijî Filistîniyan dest bi êrîşên desteserkirinê kir.

Îşxalkeran di serdegirtina bajaroka Qelqeliye ya Şerieya Rojava da 64 Filistini ku di nav wan da zarok hene hatin desteserkirin.

Dagirkeran avêtin ser bajaroka Beyt Furik a li rojhilatê Nablusê û li 15 malan lêgerîn kirin. Hat diyarkirin ku îşxalkeran li vir jî herî kêm 13 kes êsîr girtine.

Îşxalkeran ku li bajarê Azzunê li dijî bi dehan Filistînî tundî bi kar anîn, avêtin ser mizgeftekê û qedexeya derketina derve îlan kirin. Hat diyarkirin ku dagirkeran li vir jî gelek Filistînî êsîr girtine.

Hat ragihandin ku leşkerên bi navê rejîma sîyonîst li endamên malbatên Filistîniyên ku êsîr girtine lêdan û tehdîd kirin.

Di navbera Tevgera Berxwedana Îslamî ya Filistînê (HAMAS) û rejîma îşxalker a sîyonîst de di 19ê Çileyê de agirbest hat ragihandin.

Ji 7ê cotmehê ve ku operasyona "Tofana Eqsayê" dest pê kir, dagirkeran gelek caran li Şerîeya Rojava û Qudsê bi ser malan de digirin û bi îdiayên cuda Filistînî êsîr digirin. (ÎLKHA)