Rojnamevan Înas Ramadan, yek ji qehremanên agahdariyê yên Xezzeyê bû, di bombebarana rejîma sîyonîst de şehîd bû. Hejmara rojnamevanên ku ji destpêka şer ve li Xezzeyê şehîd bûne gihîştîye 255an.

Êrîşên bênavber ên rejîma sîyonîst li ser Xezzeyê careke din endamên çapemeniyê hedef girtin. Rojnamevanê Filistînî Înas Ezmî Ramadan di êrîşeke hewayî ya li ser taxa Nesr a bajarê Xezzeyê de şehîd bû.

Li gorî Navenda Agahdariyê ya Filistînê, bi şehadeta Remezan re, hejmara rojnamevanên ku ji destpêka şer ve li Xezzeyê şehîd bûne gihîştîye 255an.

Medyaya fermî ya Filistînî, ligel hevkarên xwe, Remezanê wekî "dengek rastîyê û şahidek ji bo Xezzeya bindest" bi bîr anîn. Di daxuyaniyekê de, sazîyê got, "Hejmara xebatkarên me yên medyayê li Xezzeyê roj bi roj kêm dibe, lê biryardarîya me ya ji bo anîna rastîyê ji cîhanê re hêna jî berdewam dike."

Li gorî agahîyan, êrîşa li taxa Nasrê di saetên serê sibê de bi topên sîyonîst û êrîşên çekdarî re pêk hatiye.

Hefteya borî hate ragihandin ku rojnamevan Sami Davud û Yahya Muhammed Berzek şehîd bûne. (ÎLKHA)