Tûgayên Qessam, derheqê operasyonên xwe yên serfiraz ên li Xezzeyê de agahîyan da.

Qessam li ser qenala xwe ya Telegramê daxuyanîyek da û destnîşan kir ku micahîdan dema ku ji cepheyê vedigerîyan bi hêzên îşxalê re rastî hev hatin û bi wan re ketin pevçûnê, ji wesayît û leşkerên dijmin re derbeyekî giran xistin.

Qessam, derheqê operasyonan de weha daxuyand:

“28ê Kanûna 2024an: Tûgayên Qessam li Beyt Xanûnê ji bajara Qudsa îşxalkirî re du fuzeyên M75an avêtin.

29ê Kanûna 2024an: Tûgayên Qessam ji Tûgaya Nahala ku di nav wargeha Sderotê de ye re 5 fuzeyên Rucumê avêtin.

29ê Kanûna 2024an: Micahîdên Qessam, li ser Ceddeya El-Sîkkeya Beyt Xanûnê leşkerekî sîyonîst bi çeka nîşanê ya ‘Xûl’ê hedef girt û hedef îsabet girt, di encamê de sîyonîst giran birîndar bû û dûre destê wî jêkirin.

30yê Kanûna 2024an: Li Beyt Xanûnê operasyonek hat li dar xistin, micahîdan alîkarekî nîşandarê bi çeka nîşanê hedef girt û wî kuştin. Di heman demê de heman hêzê jî bi 5 roketên ‘TBG’yê hedef girtin, di navbera hêzê de leşkerên mirî û birîndar çêbûn. Dijmin daxuyand ku ji tabûra ‘Netzah Yehuda’yê du leşkerên wan mirine û 10 leşkerên wan jî birîndar bûne.

2yê Çileya 2025an: Tûgayên Qessam, li Beyt Xanûna bakurê Xezzeyê, li herêma El-Sîkkeyê teqemenîyek bi qewet avêt sîyonîstan û di encamê de tanka ‘Merkavayê’ îsabet girt.

2yê Çileya 2025an: Micahîdên Qessam, avahîyekî ku yekîneya pîyade yên sîyonîstan xwe sipartibûnê bi dijî tahkîmatê hedef girtin. Di encamê de xanî hilweşîya û leşkerên sîyonîst di binî de man, mirî û birîndar çêbûn. Dijmin diyar kir 5 leşkerên wan mirine 8ê wan jî giran birîndar bûne.

6ê Çileya 2025an: Micahîdên Qessam, hêzekî sîyonîst a ji tabûra ‘Granîte 932’yan tespît kirin û bi bombeyan operasyon li dar xistin. Dûre jî ji mesafeya sifirê yên ku mane jî bêtesîr kirin. Di vê operayonê de jî fermandarekî bolukê, alîkarê wî û gelek leşkerên sîyonîst mirin.

6ê Çileya 2025an: Micahîdên Qessam malekî ku sîyonîst xwe sipartibûnê teqandin. Ev bû sedema mirina 3 kesan û birîndarbûna gelek kesan. Di heman demê de li bakurê Beyt Xanûnê jî li ser Ceddeya ‘Damra’yê hêzekî sîyonîst ku ew jî xwe sipartibûn xanîyekî bi dijî-personelê hedef girtin û endamên hêzê kuştin û birîndar kirin.

6ê Çileya 2025an: Tûgayên Qessam, li bajara Beyt Xanûna bakurê Xezzeyê ji ‘Sderot’ê re sê fuzeyên ji tîpa ‘Rucum’ê avêtin.

7ê Çileya 2025an: Tûgayên Qessam, li herêma Zeytûna Beyt Xanûnê dozerekî ji tîpa ‘D9’an bi teqemenîyekî biqewet hedef girtin û wî îmhe kirin.

8ê Çileya 2025an: Micahîdên Qessam, li ser rêyekî ku ew ê dijmin li wê derê derbas bibûna kemînek tertîp kirin. Di kemînê de tankekî bi teqemenîyên biqewet teqandin û îmhe kirin. Di encamê de fermandarekî û hemû mirettebatê tankê kuştin. Dûre jî, sîyonîstên ku hatin alîkarîyê dûçarê teqemenîyên dijî-personelê bûn û bûn hedefên micahîdan, di encamê de piranîya wan mirin û birîndar bûn.

9ê Çileya 2025an: Micahîdên Qessam li ser Ceddeya Wadîya nêzê îstasyona Arubeyê çend leşkerên sîyonîst bi nîşandaran hedef girtin. Di vê operasyonê de leşkerek mir, 6 leşker jî birîndar bûn.

11ê Çileya 2025an: Micahîdên Qessam, li herêma Zeytûna Beyt Xanûnê yekîneyekî pîyade bi antî-personelê hedef girtin, hinek leşker mirin û hinek jî birîndar bûn. Dijmin diyar kir ku alîkarê fermandarê tûgaya ‘Nahal’ê û 4 leşkerên dinê mirin, 9 leşker jî giran birîndar bûn.

14ê Çileya 2025an: Tûgayên Qessam, li Beyt Xanûnê hêzekî sîyonîst ku xwe sipartibûn malekî bi roketên ji tîpa ‘TBG’yê hedef girtin, endamên yekîneyê kuştin û birîndar kirin.

15ê Çileya 2025an: Micahîdên Qessam, yekîneya endezyarîya sîyonîstan bi antî-personelê hedef girtin û wan kuştin û birîndarkirin. Li ser Ceddeya ‘Al-Baalî’ya navenda Beyt Xanûnê jî wesayîtekî leşkerî ya ji tîpa ‘Bager’ê bi roketên ‘Yasîn-105’ê hedef girtin.

Micahîdên Qessam, di dema operasyona li Beyt Xanûnê de, baregeha leşkerî ya Îreza hêzê dijmin, fermandarî û noqteyên kontrolê û herêmên yekîneyan bi topên hewanê ya 60 mm, 80 mm û 120 mmyê hedef girtin.” (ÎLKHA)