Wezîrê Derve yê Îranê Abbas Araqçî piştî peymana stratejîk a bi Emrîkayê re, daxwaza diyaloga fermî bi welatên Kendavê re kir. Araqçî tekez kir ku ev vebûn ew ê li herêmê bibe alîkar ji bo aştiya mayînde, aramî û ewlehiya aborî.

Piştî rêkeftina dîrokî ya bi navbeynkariya Pakistanê, dîplomasiya Îranê têkiliyên xwe bi welatên herêmê re zêde kiriye. Araqçî di pêwendiyeke telefonî de bi Wezîrê Derve yê Kuweytê Cerrah el-Ahmed el-Sebah re tesîrên cîhanî û herêmî yên rêkeftinê vegot. Wî tekezî li ser pêwîstiya vekirî hiştina kanalên ragihandinê yên rasterast kir da ku ji holê rabin û şaşfêmkirin çênebin.

Li gorî çavkaniyên dîplomatîk, Îran bi vê gavê armanc dike ku ewlehiya rêyên deryayî yên leşkerî û bazirganî zêde bike û nakokiyên berê di atmosferek nû ya lihevkirinê de çareser bike. Aliyan li hev kirin ku ji bo çareserkirina krîzên herêmî bêyî hewcedariya destwerdana aliyekî sêyemîn, sîwanek ewlehiyê ya hevpar biafirînin.

Tê gotin ku şandeyeke Îranî di rojên pêş de ew ê dest bi gera dîplomatîk a berfireh a welatên din ên Kendavê bike. (ÎLKHA)