13 oC 
Güneşli
Tê ragihandin ku têkilîya bi Hanzala, ku keştiyeke girêdayî Koalîsyona Fîloya Azadiyê ku ji bo gihandina alîkariyên mirovî bo Xezzeyê ber bi Xezzeyê ve diçû, qut bûye.
Koalîsyona Fîloya Azadiyê derbarê rewşa keştiya Hanzalayê de daxuyaniyek weşand.
Di daxuyaniyê de hat gotin, "Hemû têkiliyên bi tîma me ya li Hanzala re qut bûne û gelek dron li nêzîkî keştiyê hene. Ev tê vê maneyê ku dibe ku ew hatibin desteserkirin an jî êrîş li me hatibin kirin."
Di daxuyaniyê de bang li temsîlkarên hikûmetê û medyaya herêmî hat kirin ku peyamekê bişînin, da ku zextê li ser rejîma îşxalker bikin, ji bona ku Hanzala berde û rêwîtiya wî ya ewle ber bi Xezzeyê ve garantî bike.
Keştiya Hanzalayê di 13ê Tîrmehê de ji Bendera Syracusa ya Îtalyayê derket, lê ji bo pêkanîna hinek pêdiviyên teknîkî, ji 15ê Tîrmehê heta 20ê Tîrmehê amadekariyên dawî li Bendera Gallipoli temam kir.
Paşê hate ragihandin ku di keştiya ku di 20ê Tîrmehê de rê ket de 21 çalakvan hebûn. (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Rejima îşxalker ji 7ê Cotmeha 2023yan vir ve qirkirina xwe ya li Xezzeyê didomîne, di encama wê qirkirinê de hejmarê şehîdan derket 59 hezar û 676an, hejmarê birîndaran jî gihaşt 143 hezar û 965 kesan.
Tevgera Berxwedana Îslamî ya Filistînê (HAMAS), Daxuyanîya naskirina Dewleta Filistînê ya ji teref Serokkomarê Fransayê Emmanuel Macron ve hatibû daxuyandin bi kêfxweşî pêşwazî kir.
Serokkomarê Fransayê Emmanuel Macron ragihand ku ew amadekariyan dikin ku Filistînê wek dewlet nas bikin.
Berpirsê HAMASê Teysir Suleyman, ji kesên ku tevger û berxwedanê ji ber mirinên li Xezzeyê sûcdar dikin re bertek nîşanî da û got, "Ger berxwedan teslîm bibe, dibe ku ew bikaribin bixwin, lê serê wan ew ê were jêkirin! Armanca îsraîlê ev e: Ger hûn nikaribin berxwedanê têk bibin, gelê wan bikujin. Bi birçîbûn û dorpêçkirinê wan bînin ser çokên wan."
