Serokkomarê Ukraynayê Volodîmîr Zelenskî ragihand ku di êrîşên mûşekî yên Rûsyayê yên li ser 12 herêman, du kes mirine û 34 kesên din jî birîndar bûne.

Serokkomarê Ukraynayê Volodîmîr Zelenskî li ser hesabê xwe yê medyaya civakî ragihand ku hêzên Rûsyayê ji şeva borî ve di sê pêlan de 21 mûşekên balîstîk ber bi paytext Kîevê ve avêtine.

Zelenskî diyar kir ku di êrîşan de zirar gihîştiye mal, santralên ceryanê, binesaziya rêhesin û metroyê, navendên kirînê, kargeh û keşîşxaneyekê, û destnîşan kir ku 12 herêm, tevî Kîev, di şevê de bûne hedef. Wî zêde kir ku du kes hatine kuştin û 34 kes ku pênc ji wan zarok in birîndar bûne.

Zelenskî îddîa kir ku divê zextek rastîn li ser Rûsyayê were kirin ji ber ku Rûsyayê bi mûşekên balîstîk bersiv da danûstandinan. (ÎLKHA)