Di 11emîn Hevdîtina Alimanan de ku ji hêla ÎTTÎHADUL ULEMA ve hate lidarxistin, alim û nivîskarê Filistînî Dr. Newaf Tekrurî got, "Xezze navenda dawetê ye, navenda sebrê ye! Di çavê Misilmanekî de divê cîhan çawa be? Xezzeyê bi jiyana xwe, bi helwestên xwe û bi tevgerên xwe yên li hember bûyeran vêya nîşan daye..."

Dr. Newaf Tekdurî beşdarî Hevdîtina Aliman a ku ji teref ÎTTÎHADUL ULEMA ve li Hola Konferansê ya Mizgefta Selahaddîn Eyyûbî ya li navçeya Yenîşehîrê ya Dîyarbekirê hatibû lidarxistin bû û di bernameyê de bi sernavê "Beşdariyên Têkoşîna Xezzeyê ji bo Bangewaziya Îslamî û Bandorên wê yên Cîhanî" pêşkêşîyek pêşkêş kir.

Tekrurî tekez kir ku Îslam û Misilman bê guman ew ê bi ser bikevin, û got ku di rê de bê guman êş û zilm jî ew ê çêbibin.

Tekrûrî behsa Tofana Eqsayê kir û got, "Bi Tofana Eqsayê re, rûyê dijmin rezîl bû. Tiştê ku ew vedişartin eşkere bû. Rûreşîya wan a rastîn derket holê. Her çiqas jî aqîde tiştek bidizîbe jî, Xezzeyê bi jiyana xwe, kirinên xwe û rastiya xwe wê eşkere kir. Xezzeyê eqîdeyê da ber çavan."

"Xezzeyê wezîfeyek alimtîyê bicîh anî"

Tekrurî, "Xezzeyê navenda dawetê ye, navenda sebrê ye! Di çavê Misilmanekî de divê cîhan çawa be? Xezzeyê; bi jiyana xwe, bi helwestên xwe, bi tevgerên xwe yên li hember bûyeran vêya nîşan da. Wan bi emelên xwe eqîdeyê nîşan da. Ji ber vê yekê, Xezzeyê wekî alimekî tevgeriya. Vê peyamê ji tevahiya cîhanê re ragihand."

"Ji ber mînakên sebir û daweta li Xezzeyê Ewrûpa jî dibe Misilman"

Tekrurî her wiha got, "Ewrûpa jî dibe Misilman; ji ber mînakên sebir û dawetê yên li Xezzeyê. Ji ber vê yekê, tesîra Xezzeyê gihîştiye her derê. Xezzeyê tesîrek mezin li ser cîhanê dike, û gelek mînakên vê yekê hene. Ji ber vê yekê, Xezzeyê di veguherandina bi hezaran kesan bo Îslamê de roleke girîng lîstiye. Mînaka Xezzeyê mînaka alimekî bi awayekî hemdemtir pêşkêş kiriye." (ÎLKHA)