Bernameya Mewlûd-î Nebî ya ku ji teref Weqfa Evîndarên Pêxember ve bi temaya "Rêberê Berxwedanê Hz. Muhammed" ve hat lidarxistin li Êlihê bi beşdariyeke berfireh dest pê kir.

Weqfa Evîndarên Pêxember li Êlihê li qada mewlûdê ya li kêleka Geraja Mezin a Nû ya Êlihê bi temaya "Rêberê Berxwedanê Hz. Muhammed" çalakiya Mewlîd-î Nebî li dar dixe.

Ji bo bernameya ku bi rojan berê hatibû amadekirin, pankartên vexwendinê li nuqteyên cuda yên bajêr hatin daliqandin û wesayîtên anonsê li bajêr geriyan.

Ji bo bernameya ku ji gelek nuqteyan wesayîtên bêpere hatin komkirin ji teref Weqfê ve bi sedan kes hatin wezîfedarkirin. Bi talîmata rayedaran welatiyan ber bi beşên jin û mêr veqetandî ketin rê û di destên xwe de alên Tewhîdê qad tijî kirin.

Xwarinên ku jinên malê ji bo bernameyê amade kiribûn li bazarê hatin pêşkêşkirin. Dahata bazarê wê ji bo kesên hewcedar bê bikaranîn.

Digel barana zêde jî evîndarên Pêxember ji saetên serê sibê ve dest bi tijîkirina herêmê kirin.

Ji bilî alên mezin ên Tewhîdê ku li ser wan "La Îlahe Îllallah Muhammed Resulullah" hatibû nivîsandin, alayên Filistînê jî li herêmê cihê xwe girtin.

Her wiha pankartên “Hûn Bi Xêr hatin Herêma Mewlûdê ya Êlihê” ku bi zimanên Kurdî (Kurmancî û Zazakî), Tirkî, Erebî û Îngîlîzî hatine amadekirin balê dikişîne.

Posterên Berdevkê Tûgayên Qessam Ebû Ubeyde û Fetihkarê Qudsê Selahedîn Eyûbî li qada çalakiyê li du avahiyan hatin daliqandin.

Çalakî wê ji teref Rehber TV ve zindî bê weşandin. Ekranên mezin ên ku li deverê hatine saz kirin dê bihêle girse bûyerê bi hêsanî bişopîne.

Konên kermesê yên li herêmê hatin vedan ji teref endam û dildarên Weqfa Evîndarên Pêxember ve hatin organîzekirin.

Di warê tenduristiyê de ji aliyê Komeleya Tenduristî û Jîngehparêziyê ve konê tenduristiyê hat vedan.

Hejmarek mezin ji personelên tenduristiyê ji ber pirsgirêkên tenduristiyê yên muhtemel li herêmê hene. Her wiha ji bo zarok winda bibin konê taybet hate vekirin.

Bername bi tîlaweta Qurana pîroz dest pê kir

Bernameya ku bi mazûvaniya Mustafa Tufan û Fatîh Taş hat lidarxistin, ji teref Îmam Hatîp Îbrahîm Halîl Yakut Hoca ve bi xwendina Quranê dest pê kir. Di çalakiyê de Mewlûda Şerîf a ku qala jiyana Pêxember dike jî hat xwendin.

Di çalakiyê de Endamê Lijneya Weqfa Evîndarên Pêxember û Serokê Platforma Kerwana Şehîdan Molla Omer Çelîk û Endamê ÎTTÎHADUL ULEMAyê Molla Osman Tayfur dê her yekê axaftinekê bikin.

Molla Nacî Ozdaş dê peyama Mewlûdê ya îsal a Weqfa Evîndarên Pêxember bixwîne.

Çalakiya ku dê gelek caran sirûd, awaz û meş bên xwendin dê bi duaya ku ji aliyê Molla Nezîr Ozdemîr ve bê xwendin bi dawî bibe. (ÎLKHA)