Li Êlihê bi germbûna hewayê re, çinîna nîskê, ku yek ji berhemên pêşîn ên genim ên demsalê ye, dest pê kiriye. Cotkarên ku di zeviyan de dixebitin diyar kirin ku barana dijwar mezinbûna giya zêde kiriye, lê tevî vê yekê jî, ew li bendê ne ku berhemek bilind hebe.

Li Êlihê, demsala çinînê, ku yek ji girîngtirîn demên demsala çandiniyê ye, dest pê kir.

Bi bilindbûna pileya germahiyê li seranserê bajêr, di zeviyên nîskê de dest bi çinînê kiriye, ku ev yek destpêka ewil berhema genim a demsalê ye.

Bi taybetî, li gundê Dêraqira yê navçeya Qubîna Êlihê, cotkar ji bona ku dest bi çinîna nîskê bikin ji saetên serê sibê ve ketin zevîyan.

Cotkaran diyar kirin ku barana di mehên zivistan û biharê yên îsal de tesîreke erênî li ser pêşveçûna çandiniyê kiriye, lê her wiha destnîşan kirin ku ji ber baranê giyayên xav li zevîyan pir zêde bûne.

Hilberîneran diyar kirin ku ev rewş di dema çinînê de ji bo wan karê zêde çêkiriye, lê dîsa jî ew ji xuyangê giştî yê hilberê razî ne.

Cotkaran diyar kirin ku nîsk yek ji çavkaniyên girîng ên dahatê li Êlih û derdora wê ye û hêvîya xwe anîn ziman ku demsala çinînê bê pirsgirêk derbas bibe. (ÎLKHA)