13 oC 
Güneşli
Li navçeya Kilimli ya Zongildaxê, di teqîna gaza metanê ya li madeneke taybet de 3 karker mirin û 5 kes jî birîndar bûn. Walîtiyê ragihand ku li ser bûyerê lêpirsîna dadwerî û îdarî hatiye destpêkirin.
Walîtiya Zongildaxê derbarê qezaya ku di madenê de qewimî de daxuyaniyek nivîskî weşand.
Li gorî daxuyaniyê, îro derdora saet 10:00ê sibehê li madeneke taybet a li navçeya Gelikê de teqînek gaza metanê çêbû.
Piştî teqînê, ekîbên AFAD, UMKE, Karsaziyên Komirê yên Tirkiyeyê (TTK) û yekîneyên cendirmeyan bo herêmê hatin şandin.
Di encama xebatên lêgerîn û rizgarkirinê yên ku ji hêla ekîban ve hatine destpêkirin de, ji 8 karkerên ku di madenê de hatine dîtin 5 kes bi birîndarî hatin rizgarkirin. Hate diyarkirin ku karkerên birîndar rakirine nexweşxaneyê û dermankirina wan berdewam dike.
Piştî temamkirina lêkolînan, hat diyarkirin ku 3 karkeran di madenê de canê xwe ji dest dane.
Hat destnîşankirin ku derbarê bûyerê de lêpirsîneke edlî û îdarî hatiye destpêkirin. (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
Parlamenterê Mersînê yê HUDA PARê Faruk Dînç di pêvajoya tasfiyekirina fonan de bal kişand ser nebûna çavdêriyê ku tê de teserûfa 456.000 welatiyan hatibû kilîtkirin, û tekez kir ku windahiyên ji ber vê yekê nayên veguhestin ser bacgiran û divê hemû rayedarên berpirsiyarê xemsariyê hesab bidin.
40 koçberên neqanûnî ên di qeyikeke lastîkî de ku ji aliyê ekîbên Ewlekariya Peravê ve li peravên navçeya Dîdîmê ya Aydinê hatibûn rawestandin, hatin girtin.
Li Manîsayê, ekîbên Midûriyeta Şaxa Têkoşîna li dijî Sûcên Narkotîkê piştî rawestandina wesayîtek ku ji bo bazirganiya maddeyên hişber dihat bikaranîn, 225 hezar û 960 hebên sentetîk bidest xistin. Du şikdarên ku hatibûn binçavkirin jî hatin girtin.
