وەقفی ئەڤیندارێن پێغەمبەر "رێپێوانی گەورەی قودس" رێکدەخات
13 oC
13 oC
Güneşli
13 oC
Güneşli
وەقفی ئەڤیندارێن پێغەمبەر بۆ پشتگری لە بەرخۆدانی فەلەستین لە ٤ی شوبات کاتژمێر ١٣:٣٠ لە دیاربەکر رێپێوانێک رێکدەخات.
وەقفی ئەڤیندارێن پێغەمبەر کە لە هەموو دەرفەتێک باس لە پشتگری خۆی لە بەرخۆدانی فەلەستین دەکات و چالاکیەکان رێکدەخات رۆژی یەکشەممە کاتژمێر ١٣:٣٠ لە دیاربەکر رێپێوان رێکدەخات. رێپێوانەکە لە مەیدانی دونیا دەستپێ دەکات و لە پارتی شەهیدەکانی ١٥ی تەمووز کۆتایی دێت.
یەعقوب کایا ئەندامی دەستەی کارگێڕی وەقفی ئەڤیندارێن پێغەمبەر سەبارەت بە رێپێوانەکە راگەیەندراوێکی بڵاو کردەوە و بانگێشتی تەواوی گەلی دیاربەکر کرد کە بەشداری لە رێپێوانەکە بکەن.
ناوبراو ئاماژەی بەوە کرد کە بە ئیزنی خودا ئۆپڕاسیۆنی تۆفانی ئەقسا دەستپێکێک دەبێت بۆ کۆتایی زاڵمەکان و دواتر وتی، "سەهیۆنییەکانی موستەکبیر و زاڵم زیاتر لە ٤ مانگە بەردەوامن لە هەموو جۆرە ستەم و ئەشکەنجە بەرامبەر گەلی غەززە. هەوڵ دەدرێت تەواوی گەل بە ئافرەت و منداڵ و پیر لەناو ببەن. لە بەرامبەر ئەو رەوشە ٥٧ وڵاتی ئیسلام بێ دەنگە و ئەمەش ئێش و ئازارێکی دیکەیە."
یەعقوب کایا لە بەردەوامی باسی لەوە کرد کە هەفتەی کۆتایی مانگی رەجەب وەک هەفتەی جیهانی قودس راگەیەندراوە و ئەوانیش لە هەنێک پارێزگاکان رێپێوان رێکدەخەن کە یەکێکیان لە دیاربەکرە و دواتر وتی، "هەفتەی قودس لە رۆژانێکدایە کە رووداوی ئیسرا و میعراج رووی داوە و مزگەوتی ئەقسا بە دەستی سەلاحەدین ئەیوبی لە دەست خاچپەرستەکان رزگار کراوە. ئێمەش بەم بۆنەیە پشتگری خۆمان بە گەلی مەزلومی فەلەستین رادەگینین و لە هەنێک پارێزگاکان رێپێوان رێکدەخەین. لە ئەنجامدا رۆژی یەکشەممە کاتژمێر ١٣:٣٠ لە دیاربەکر رێپێوانێک رێکدەخەین."
ناوبراو لە کۆتاییدا بانگیشتی تەواوی گەلی دیاربەکر کرد کە بەشداری لە رێپێوانەکە بکەن.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
پرۆفسیۆر دکتۆر عەلی محی الدین قەرەداغی سەرۆکی یەکێتی جیهانی زانایانی مسوڵمان وتی کە پێغەمبەرەکەمان لەبارەی جیهاد، ئوممەتبوون، پەروەردە و تەواوی بوارەکان بۆ مسوڵمانەکان پێشەوا و رابەر بوو.
زانایان باسیان لە ئەرکی مسوڵمانەکان لە بەرامبەر جینۆسایدی رژێمی داگیرکەر لە غەززە کرد و دەستنیشانیان کرد کە بایکۆت کردن ئەرکی تەواوی مسوڵمانەکانە.
بەرنامەی مەولدی پێغەمبەر کە لە لایەن وەقفی ئەڤیندارێن پێغەمبەر بە تەوەری "رێبەری جیهاد حەزرەتی موحەممەد" ئامادە کرابوو بەڕێوەچوو و هاوڵاتیانی بەشداربووی بەرنامەکە باسیان لەوە کرد کە ئەمڕۆ ئەوانەی ئیمانی راستیان بەدەست هێناوە غەززەییەکانن.
بەرنامەی مەولدی پێغەمبەر کە لە لایەن وەقفی ئەڤیندارێن پێغەمبەر لە دیاربەکر ئامادەکرابوو بە بەشداری سەدان هەزار کەس بەڕێوەچوو و ئافرەتانی بەشداربوو باسیان لە هەست و رامانی خۆیان کرد.
