دوکاندارێکی دیاربەکری بە ناوی رەمەزان ئەلماس تەواوی دەرامەتەکەی لە مانگی رەمەزاندا دەبەخشێتە غەززە.

رەمەزان ئەلماس کە لە دیاربەکر چایخانەی هەیە ئەمساڵێش وەک هەموو ساڵێک لە ڕۆژانی ڕۆژوودا چایخانەکەی داخراو دەبێت و تەنها لە دوای ئیفتار کار دەکات.

ئەلماس لە سەر دوکانەکەی ئافیشەکانی دانا کە لە سەری نووسراوە، لە مانگی رەمەزاندا دوای ئیفتار چایخانەکە کراوە دەبێت و تەواوی دەرامەتەکەی دەبەخشێتە غەززە.

ناوبراو باسی لەوە کرد کە پێدەچێت لە ماوەی مانگی رەمەزاندا لانیکەم ٢٥٠-٣٠٠ هەزار لیرەی تورکی دەرامەت هەبێت.

"هەموومان وەک ئوممەت خوشک و براین"

ئەلماس وتی، "وەک هەموو ساڵێک ئەمساڵیش لە مانگی رەمەزاندا تاوەکو ئیفتار چایخانەکەمان داخراو دەبێت. ئەمساڵیش دەمانەوێت تەواوی دەرامەتەکەمان ببەخشین بۆ کەرتی غەززە. خودا لە هەموو کەس رازی بێت. دەبێت هەموومان ئەم هەستیارییە نیشان بدەین. چونکە هەموومان وەک ئوممەت خوشک و برایین. هەرچی لە دەستمان بێت دەبێت ئەنجام بدەین و لانیکەم ویجدانەکەمان ئاسوودە بکەین. لە مانگی رەمەزاندا تاوەکو کاتی ئیفتار داخراو دەبێت و دوای ئیفتار زۆر قەرەباڵغ دەبێت. پێموایە نزیکەی ٢٥٠-٣٠٠ هەزار لیرەی تورکی دەرامەت هەبێت. إن شاء الله هاوڵاتیانیش دەبنە وەسیلەی ئەم خێرە و دەرامەتەکە دەگاتە نزیکەی ١ ملیۆن لیرەی تورکی. لە قیسمەتمان هەرچی هەبێت ئەوەندە دەبەخشین."(İLKHA)