دەزگای خێرخوازی کاروانی ئومێدی باتمان بەهۆی هاتنی مانگی ڕەمەزان هاوکاری باکێجی خواردن بە سەر هەزاران خانەوادە دابەش کرد.

دەزگای خێرخوازی کاروانی ئومێدی باتمان کە وەک پردێک لە نێوان هەژار و خێرخواز کار دەکات بە بۆنەی هاتنی مانگی ڕەمەزان هاوکاری خواردن بە سەر ٣ هەزار خانەوادە دابەش کرد.

نورالدین تەیمور سەرۆکی دەزگاکە سەبارەت بە چالاکیەکەی ئەنجامدراو راگەیەندراوێکی بڵاو کردەوە و ئاماژەی بەوە کرد کە دەستیان بە هەڵمەتی دابەشکردنی باکێجی خواردن کردوون.

"باکێجی خۆراکمان بە سەر ٣ هەزار خانەوادە دابەش کرد"

تەیمور ئاماژەی بەوە کرد کە هەوڵ دەدەن لە مانگی ڕەمەزاندا بە فیترە، سەدەقە و زەکاتی خێرخوازەکان هاوکاری بە سەر زیاتر کەس دابەش بکەن و وتی، "ئێمە وەک خانەوادەی کاروانی ئومێد هەموو ساڵێک لە مانگی ڕەمەزاندا هاوکاری بە سەر هەزاران خانەوادە دابەش دەکەین. ئەمساڵ لە باتمان هاوکاریمان بە سەر ٣ هەزار خانەوادەی یەتیم و هەژار دابەش کرد. کاروانی ئومێد وەک پردێک لە نێوان خێرخواز و هەژار کار دەکات. لە یەکەم ڕۆژی مانگی ڕەمەزاندا لەگەڵ ئەندام و خۆبەخشان دەستمان بە دابەشکردنی باکێجی خۆراک کرد. لێرەوە جارێکی دیکە سوپاسگوزاری خێرخوازەکان دەکەین."

"بۆ ئەوەی هاوکاری بە سەر زیاتر کەس دابەش بکەین سەرفیترە، زەکات و سەدەقەکانتان دەخوازین"

تەیمور لە بەردەوامی وتی، "لە پاکێجەکانماندا شەکر، چای، برنج، بولگور، ڕۆن و مەعکەرۆنی هەیە. کاروانی ئومێد داوا لە خێرخوازەکانمان دەکات کە هاوکارییەکانیان زیاتر بکەن. چونکە کاتێک چووینە لای خانەوادەکان زۆر خۆشحال بوون. بە پشتگری خێرخوازەکانمان ئەمڕۆ توانیمان هاوکاری بە سەر ٣ هەزار خانەوادە دابەش بکەین. بۆ ئەوەی لە سەرتاسەری مانگی رەمەزاندا هاوکارییەکانمان بەردەوام بن چاوەڕوانی پشتگری خێرخوازەکانین. هەروەها بۆ ئەوەی هاوکاری بە سەر زیاتر کەس دابەش بکەین سەرفیترە، زەکات و سەدەقەکانتان دەخوازین."(İLKHA)