لە شارۆچکەی نسێبینی پارێزگای مێردین لە ئەنجامی شەڕێکی چەکداری لە نێوان ٢ گروپ کەسێک گیانی لەدەستدا و ٣یان بە سەختی ٦ کەسیش بریندار بوون.

رووداوەکە لە گەڕەکی کشلای شارۆچکەی نسێبینی پارێزگای مێردین لە نێوان دوو گروپ روو دا.

لە سەرەتا بە هۆکارێکی نادیار لە نێوان لایەنەکان شەڕقسە دەستی پێکرد و دواتر شەڕەکە گەورە بوو گۆڕا بە شەڕی چەکداری.

لە ئەنجامی شەڕەکەدا کەسێکی تەمەن ٢٤ ساڵە گیانی لەدەستدا و ٦ کەسیش بریندار بوون.

دوای ئاگادارکردن تیمەکانی تەندروستی و پۆلیس رەوانەی ناوچەکە کران و بریندارەکان گواسترانەوە نەخۆشخانە.

بە پێی زانیارییەکان دۆخی تەندروستی هەنێک لە بریندارەکان گرانە و سەبارەت بە رووداوەکە لێپرسینەوە دەستی پێکرد.(İLKHA)