ژمارەی ئەو کەسانەی لە کاتی هێرشە نوێیەکانی رژێمی سەهیۆنی لە غەززە شەهید بوون و لە نێویاندا پەیامنێری تەلەفزیۆنی ئەلئەقسا بۆ ٧٠ کەس زیادی کرد.

نووسینگەی راگەیاندنی حکوومەت لە غەززە رایگەیاند، "عەبدوڵڵا دەروێش پەیامنێری تەلەفزیۆنی ئەلئەقسا لە کاتی هێرشی ڕژێمی سەهیۆنی لە کەرتی غەززە شەهید بوو."

لە راگەیەندراوەکەدا ئاماژە بەوە کراوە، لەگەڵ شەهیدبوونی ئەم رۆژنامەنووسە، ژمارەی ئەو رۆژنامەنووسانەی لە ٧ی ئۆکتۆبەرەوە گیانیان لەدەستداوە گەیشتووەتە ٧١ رۆژنامەنووس.

نووسینگەی راگەیاندنی حکوومەت لە غەززە جەختی لەوە کردەوە کە ئامانج لە تیرۆرکردنی رۆژنامەنووسان و ئەندامانی میدیایی رژێمی سەهیۆنی، شاردنەوەی راستییەکان و ترساندنی رۆژنامەنووسان بۆ ئەوەی ئەرکی خۆیان جێبەجێ نەکەن و دڵنیابوون لەوەی کۆمەڵکوژییەکەی غەززە بڵاونەکرێتەوە .

وەزارەتی تەندروستی غەززە رایگەیاند، ژمارەی شەهیدانی هێرشەکانی ئەمڕۆی ڕژێمی داگیرکەر بۆ ٧٠ شەهید بەرزبووەتەوە.(İLKHA)