بەڕێز ئەدیب گوموش رێبەری جەماعەتی حزب الله-ی باکووری کوردستان و تورکیا بە بۆنەی جەژنی ڕەمەزان پەیامێکی بڵاو کردەوە و وتی، "پەروەردگارمان دەرفەتمان پێ ببەخشێت کە پێکەوە بیر بکەینەوە، پێکەوە کار بکەین، پێکەوە شەڕ بکەین و پێکەوە سەرکەوتن بەدەست بهێنین بۆ هەمان شتە پیرۆزەکان."

بەڕێز ئەدیب گوموش رێبەری جەماعەتی حزب الله-ی باکووری کوردستان و تورکیا بە بۆنەی جەژنی ڕەمەزان پەیامێکی بڵاو کردەوە.

تەواوی دەقی پەیامەکە:

"بسم الله الرحمان الرحیم

حەمد و ستایش بۆ خودای پەروەردگار و بەڕێوبەری جیهانەکان، سەلات و سەلام بۆ رەسولەکەی، حەبیبەکەی موحەممەد موستەفا و خانەوادەکەی، ئەسحابەکەی و ئەوانەی تا قیامەت شوێنکەوتووی دەبن.

لە سەرەتا پیرۆزبایی جەژنی دایک و باوک و خانەوادەی شەهیدەکان، براکانمان کە بەهۆی خزمەتی دۆزی ئیسلام لە زینداندانە و دایک و باوک و خانەوادەکانیان، خوشک و برا موهاجیرەکان، دایک و باوک و خانەوادەکانیان دەکەم. داوا لە خودا دەکەم کە سەبڕی جەمیل بە کەسوکاری شەهیدەکان بدات و لە نزیکترین کات بە سەرئەنجامی خێر کۆتایی بە ئیمتیحانی مەحکوم و موهاجیرەکان بهێنێت. جەژنی موجاهیدەکان، بانگخوازەکان، خزمەتگوزارەکانی عیلم و عیرفان و هەموو خوشک و براکانم پیرۆز بێت کە بۆ إعلاء کلمة الله بە بێ ناسینی کات و شوێن، لە هەموو دەرفەتێکدا ئەرکەکەیان بەجێ دەهێنن. جەژنی ئوممەتی ئیسلام پیرۆز بێت کە تەنها لەبەر ئەوەی وتویانە 'پەروەردگاری من الله‌ـە' تووشی ستەم بووە و هەزاران کەمین لەبەردەمی دانراوە. خودا ڕۆژوو و عیبادەتی هەمووتان قبول بکات.

بۆ ماوەی مانگێک ڕۆژوو بووین، قورئانی کەریم بە خۆشەویستیێکی جیاواز خوێنرا. نوێژەکان بە خشوعی زیاتر ئەنجام دران. بۆ ڕێز بە کاتەکانی پیرۆز سەدەقە و ئینفاقەکان زیاتر کران. داوا دەکەم عیبادەت و خێرەکانی کە ئەنجاممان داوە مەقبول بێت.

خوشک و برا فەلەستینییەکان کە چەندین ساڵە بۆ پاراستن و بەرگریکردن لە مزگەوتی ئەقسا و قودس گەورەترین باج دەدەن و بەم شێوەیە بەردەوامن لە تێکۆشانیان و لەم رێگایەدا هەنگاو بەرەو باشەوە نانێن هەموو کاتێک لە دڵمان و دوعاکانماندانە. ئەوەندەی خودا هێز و دەرفەتی بە ئێمە داوە هەوڵمان دا بەردەوام بین لە هاوکاری لەوان و إن شاء الله بەردەوامیش دەبین.

دوعای من لە خوای گەورە ئەوەیە، وەک ئوممەتی ئیسلام، دەرفەتی ئەم ڕۆژە پیرۆزانە بقۆزینەوە بۆ نەهێشتنی دووبەرەکی و ناتەبایی لە نێوانماندا، وەک ئەندامەکانی جەستەیەک یەکبگرین، و هەڵوێستێکی شکۆمەندانە لە دژی دوژمنانی ئیسلام نیشان بدەین کە دان بە مافی ژیان بۆ موسڵمانان ناناسن. پەروەردگارمان دەرفەتمان پێ ببەخشێت پێکەوە بیربکەینەوە، پێکەوە کاربکەین، پێکەوە هەوڵبدەین و پێکەوە سەرکەوتن بەدەستبهێنین بۆ هەمان شتە پیرۆزەکان.

دوعای ئێمە بۆ پەروەردگارمان کە هێزەکەی هەموو جیهانەکانی دەگرێتەوە، ئەوەیە کە ڕێگەمان پێبدات بگەینە ڕەمەزانی داهاتوو بە تەواوترین شێوە پێداویستییەکانی زانین و ڕێنمایی و حیکمەت و یەکگرتوویی و جیهادمان بەدیهێنابێت و سەرکەوتوو بووین.

ئەمانەتی خودا بن.

براکەتان ئەدیب گوموش."(İLKHA)