رووسیا رایگەیاند، فڕۆکەیەکی جەنگی ئۆکراینی ئێف ١٦ی بە سیستەمی بەرگری ئاسمانی خستە خوارەوە.

لە بەیاننامەیەکدا کە وەزارەتی بەرگری رووسیا  بڵاویکردەوە هاتووە، "فڕۆکەی جەنگی ئێف-١٦ کە سەر بە هێزی ئاسمانی ئۆکرانیا و ٨ بۆمبی ئاسمانی ڕێنماییکراوی JDAM و ٧ مووشەکی موشەکی فرە هەڵدانی HIMARS دروستکراوی ئەمریکا و ٢٠٧ فڕۆکەی بێ فڕۆکەوان لە لایەن سیستەمی بەرگری ئاسمانییەوە خرانە خوارەوە."

دوێنێ ڤۆلۆدیمیر زێلێنسکی، سەرۆکی ئۆکرانیا رایگەیاندبوو، فڕۆکەوانی فڕۆکەیەکی جەنگی ئێف ١٦ی سەر بە هێزی ئاسمانی ئۆکرانیا لە کاتی ئەرکەکەیدا لە پێکدادانێکی ئاسمانیدا کوژراوە.

زێلێنسکی زانیاری لەبارەی شوێنی شەڕەکە و چارەنووسی فڕۆکەی ئێف ١٦ی کە فڕۆکەوانەکەی گیانی لەدەستداوە، نەخستەڕوو.(İLKHA)