هێرشێکی بۆمبی لە پاکستان: ٢٤ کوژراو و ٤٦ بریندار
13 oC
13 oC
Güneşli
13 oC
Güneşli
لە ئەنجامی هێرشێکی بۆمبی لە وێستگەیەکی شەمەندەفەر لە شاری کەتای بەلووچستانی پاکستان ٢٤ کەس گیانیان لە دەست دا و ٤٦ کەسیش بریندار بوون.
بە پێی راگەیەندراوێکی میدیاکانی پاکستان، لە ئەنجامی هێرشێکی بۆمبی لە وێستگەیەکی شەمەندەفەر لە شاری کەتای پایتەختی هەرێمی بەلووچستان لانیکەم ٢٤ کەس گیانیان لە دەست دا و ٤٦ کەسیش بریندار بوون.
محەمەد بەلووچ بەڕێوبەری گشتی ئاسایش لە راگەیەندراوێک بۆ میدیاکان باسی لەوە کرد، تەقینەوەکە کاتێک رووی داوە کە هاوڵاتیان بۆ وەرگرتنی بلێتی شەمەندەفەر کۆبوبوون.
بەرپرسەکە باسی لەوە کرد کە لە کاتی تەقینەوەکە زیاتر لە ١٠٠ کەس لەوێ کۆبوبوون.
دوای رووداوەکە تیمەکانی پۆلیس، ئاسایش و فڕیاگوزاری تەرمی قوربانییەکان و بریندارەکانی گواستەوە نەخۆشخانە.
دەستنیشان کرا کە بەرپرسانی هاتوچۆی رێگای ئاسنی راسپێردراون تاکو گەشتەکانی شەمەندەفەر رابگرن.
لە تەواوی نەخۆشخانەکانی شارەکە باری لەناکاو راگەیەندراوە.
سەرفراز بوغتی سەرۆک وەزیرانی هەرێمی بەلووچستان ئیدانەی هێرشەکەی کرد و باسی لەوە کرد کە "ئەمە درێژپێدەری کردنە ئامانجی مرۆڤەکانی بێ تاوانە. ئامانجی تیرۆرستەکان مرۆڤەکانی بێ تاوان، کرێکاران، منداڵەکان و ئافرەتەکانن. ئەوانەی مرۆڤەکانی بێ تاوان دەکەن ئامانج شایەنی رەحم نین."
بوغتی لە بەردەوامی باسی لەوە کرد کە فەرمانی دەستپێکردنی لێپرسینەوە لەبارەی رووداوەکە داوە و پەیوەندی لەگەڵ بەرپرسانی باڵای بەلووچستان دراوە.
بە پێی راگەیەندراوی ماڵپەڕی داون، سوپای رزگاریخوازی بەلووچستانی کە گروپێکی قەدەغەکراوی چەکدارە بەرپرسیارەتی هێرشەکەی بە ئەستۆ گرتووە.
پێشتر بۆ ماوەی زیاتر لە مانگێک و نیوە هاتوچۆی شەمەندەفەر لە نێوان کەتا و پەشاوەر راگیرابوو بەڵام لە راگەیەندرابوو کە لە ١١ی تشرینی یەکەم دووبارە دەستپێ دەکات.
هەفتەی رابردوو تەقینەوەیەک لە نزیکەی قوتابخانەیەکی کچان و نەخۆشخانەیەک لە ناوچەی مەستونگی هەرێمی بەلووچستان رووی دابوو و لە ئەنجامی رووداوەکەدا ٨ کەس گیانیان لە دەست دابوو کە ٥یان منداڵ بوون.
ساڵێکە لە وڵاتی پاکستان بە تایبەت لە هەرێمەکانی بەلووچستان و خەیبەر پەختونخوا ئەم جۆرە هێرشانە زیادیان کردووە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
کۆمیسارێتی باڵای مافەکانی مرۆیی نەتەوە یەکگرتووەکان OHCHR راگەیاند، لە ٤٧ی تشرینی یەکەمی ٢٠٢٣یەوە لە زیندانی داگیرکەران ٤٧ فەلەستینی شەهید بوونەتەوە.
لە پارێزگای قەندەهاری وڵاتی ئەفغانستان لە ئەنجامی ڕوخانی خانوویێک ٣ خوشک گیانیان لە دەست دا.
لە ئەنجامی تەقینەوەیەک لە کارگەیەک لە ڕۆژئاوای وڵاتی هیندستان ٤ کەس گیانیان لە دەست دا.
دەزگای بەرگری شارستانی لە شاری رەفەح لە باشووری کەناری غەززە بانگێشتی کۆمەڵگەی نێودەوڵەتی کرد و راگەیاند کە دۆخی شارەکە "کارەساتێکی ڕەهایە."
