لە وڵاتی ئەندەنۆسیا بەهۆی بارینی بارانی بەخوڕ لافاو هەڵسا و لە ئەنجامی رووداوەکەدا ١٣ کەس گیانیان لە دەست دا و ١٨ کەسیش بریندار بوون.

بە پێی راگەیەندراوی میدیاکانی وڵات، لە کاتەکانی شەو لە ناوچەکانی دەلی سەردانگ و کارۆ لافاو هەڵسا.

دەستنیشان کرا، بەهۆی توندی رووداوەکە لە ناوچەی دەلی سەردانگ چەند باڵەخانەیەک ڕوخاون و لە ئەنجامی رووداوەکەدا ٦ کەس کوژراون و ٩ کەسیش بریندار بوونەتەوە.

هەروەها لە ناوچەی کارۆ ٧ کەس گیانیان لە دەست دا و ٩ کەسیش بریندار بوون.

بریندارەکان رەوانەی نەخۆشخانەکان کران.

هەروەها زەوی لەرزین و لافاوی خێرا کە لە کاتژمێرەکانی سەرەتای بەیانی دوێنێدا ڕوویدا، کاریگەرییان لەسەر قەزاکانی پادانگ لاواس و باشووری تاپانولی لە ویلایەتەکەدا هەبووە و لە ئەنجامدا ٦ کەس گیانیان لەدەستداوە و ٧ کەسیش برینداربوون.

دەزگای کەشناسی و جیۆفیزیکی ئەندەنوسیا هۆشدارییەکی توندی کەشوهەوای بڵاوکردەوە و پێشبینی توندی بارانبارین لە ناوچەکەدا دەکات کە لە سەرووی ئاساییەوە بێت.(İLKHA)