وەزارەتی دەرەوەی میسڕ لە راگەیەندراوێکی نووسراودا راگەیاند کە "میسڕ بەردەوامە لە پشتگریکردن لە مافە ڕەواکانی گەلی فەلەستین و خاوەن بڕیاربوونیان لە سەر خاکەکانی خۆیان."

وەزارەتی دەرەوەی میسڕ لە راگەیەندراوێکی نووسراودا باسی لەوە کرد، کۆچی زۆرەملێی فەلەستینییەکان لە خاکەکانیان و پێشێلکردنی مافەکانیان رەتدەکەن.

لە راگەیەندراوەکە دەستنیشان کرا، پلانەکان بۆ کۆچی زۆرەملێی کاتی یان بەردەوامی فەلەستینییەکان لە خاکەکانیان دەبێتە هۆی ناسەقامگیری لە ناوچەکە و رێگری لە ئومێدی مسوگەڕبوونی ئاشتی.

راگەیەندرا کە هێشتا پرسی فەلەستین لە ناوەندی ڕۆژهەڵاتی ناوەڕاستدایە و دواخستنی چارەسەری ئەم پرسە و کۆتایینەهێنان بە داگیرکاری و نەگەڕاندنەوەی ئەو مافانەی کە لە فەلەستینییەکان زەوت کراوە، تەنیا ناسەقامگیری ناوچەکە زیاتر دەکات.(İLKHA)