دۆنالد ترامپ سەرۆکی ئەمریکا رێککەوتنێکی هەڵوەشاندەوە بۆ دەستبەرداربوون لە فرۆشتنی نەوت بە ڤەنزوێلا کە لە سەردەمی سەرۆکی پێشووی ویلایەتە یەکگرتووەکانی ئەمەریکا جۆ بایدندا ئەنجام درابوو.

ترامپ لە بەیاننامەیەکدا لە هەژماری تایبەتی خۆی لە تۆڕی کۆمەڵایەتی (توث سۆشیال) رایگەیاند، ئەو رێککەوتنانەی لە سەردەمی بایدن لە نێوان ئەمریکا و ڤەنزوێلا واژۆ کراون، هەڵوەشاندەوە.

ترامپ وتی، "ئێمە کۆتایی بەو ئیمتیازاتانە دەهێنین کە جۆ بایدنی ساختەکار بە نیکۆلاس مادۆرۆ سەرۆکی ڤەنزوێلا دابوو."

هەروەها ترامپ سەرۆکی ئەمریکا رایگەیاند، رێککەوتنی گۆڕینەوەی دیلەکانی هەڵوەشاندەوە کە لە ساڵی ٢٠٢٣ لە نێوان هەردوو وڵاتدا واژۆکرابوو.

ئیدارەی پێشووی ئەمریکا لە ٢٦ی تشرینی دووەمی ٢٠٢٢ رێککەوتننامەی دەستبەرداربوونی واژۆکرد و سزاکانی سەر فرۆشتنی نەوتی ڤەنزوێلا سووککرد.(İLKHA)