ڤۆلۆدیمیر زێلێنسکی سەرۆکی ئۆکراینا راگەیاند، بۆ دانونستان لەبارەی قۆناغی ئەگەری ئاگربەست لە نێوان رووسیا و ئۆکراینا لەگەڵ دۆنالد ترامپ سەرۆکی ئەمریکا پەیوەندیێکی تەلەفۆنی ئەنجام دەدات.

زێلێنسکی کە سەردانێکی فەرمی بۆ فینلاند ئەنجام دابوو، لە کۆنگرەیەکی ڕۆژنامەوانی هاوبەشدا لەگەڵ ئەلێکساندەر ستوب سەرۆکی فینلاند لێدوانی دا.

زێلێنسکی بە ئاماژەدان بە پەیوەندییە تەلەفۆنییەکەی دوێنێی ترامپ لەگەڵ ڤلادیمێر پوتین سەرۆکی رووسیا، رایگەیاند کە سەرەڕای ئەم پەیوەندییە، رووسیا بەردەوامە لە هێرشەکانی بۆ سەر ئۆکرانیا. زێلێنسکی جەختی لەوە کردەوە کە ژێرخانی وزە و نەخۆشخانەکان بە تایبەتی کراونەتە ئامانج، و ئۆکرانیا پێویستی بە پشتیوانی زیاترە بۆ بەرگری ئاسمانی خۆی.

زێلێنسکی هەروەها ئاماژەی بە دانوستانەکانی سعودیە لە نێوان شاندەکانی ئەمریکا و ئۆکرانیا بۆ کۆتایی هێنان بە شەڕەکە کرد و ئاماژەی بەوەدا کە ئامانجی رووسیا درێژکردنەوەی ململانێکان بووە. ئاماژەی بەوەشکرد، لە دیدارەکەیدا لەگەڵ ترامپ باس لە پڕۆسەی ئاگربەست و پرسی یەکپارچەیی خاکی ئۆکرانیا دەکرێت.(İLKHA)