13 oC 
Güneşli
٤ سەربازی ئەمریکی کە لە کاتی مەشقێکدا لە شارۆچکەی پابرادی لیتوانیا لە نزیک سنووری بیلاروسیا بێسەروشوێن بوون، دوای گەڕانێک بە مردوویی دۆزرانەوە.
مارک روت سکرتێری گشتیی ناتۆ لە بەیاننامەیەکدا لە وارشۆی پایتەختی پۆڵەندا کوژرانی ئەو سەربازانەی پشتڕاستکردەوە، بەڵام ئاماژەی بەوەدا هیچ زانیارییەکی لەسەر وردەکاری رووداوەکە نییە.
ناوبراو وتی، "لەکاتی قسەکردنمدا هەواڵێک هاتووە کە ٤ سەربازی ئەمریکی لە رووداوێکدا لە لیتوانیا کوژراون."
بەپێی بەیاننامەیەکی فەرماندەیی ئەمریکا بۆ ئەوروپا و ئەفریقا، نیوەڕۆی ئەمڕۆ سێشەممە چوار سەربازی ئەمریکی لەکاتی ئەنجامدانی مەشقی تاکتیکی لە مەیدانی مەشقەکانی جەنەڕاڵ سیلڤێسترا زوکاوسکاس لە نزیک شاری پابراد بێسەروشوێن بوون.
دوای بێسەروشوێن بوونی سەربازەکان، وەزارەتی بەرگری لیتوانیا و سوپای ئەمریکا ئۆپڕاسیۆنێکی فراوانی گەڕان و ڕزگارکردنیان دەستپێکرد.
بەپێی سەرچاوە میدیا ناوخۆییەکان، پێدەچێت دوایین جار سەربازەکان لەکاتی جوڵەدا بە ئۆتۆمبێلێکی زرێپۆشی M88A2 Hercules بینراون و کاتێک ئۆتۆمبێلەکە لە ناوچەیەکی تاڵاودا گیری خواردووە، خنکاون.
زانراوە کە نزیکەی هەزار سەربازی ئەمریکی لە لیتوانیا هەن و ئەم جۆرە مانۆڕە هاوبەشانە بە ئامانجی زیادکردنی ئامادەیی سەربازییە لە ناوچەکەدا.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە ئەنجامی هێرشێکی خۆکوژی بۆ سەر گردبوونەوەیەک لە وڵاتی پاکستان ٦ کەس بریندار بوون.
بەڕێز ئەدیب گوموش رێبەری جەماعەتی حزب الله-ی باکووری کوردستان و تورکیا بە بۆنەی جەژنی ڕەمەزان پەیامێکی بڵاو کردەوە و وتی، "پەروەردگارمان دەرفەتمان پێ ببەخشێت کە پێکەوە بیر بکەینەوە، پێکەوە کار بکەین، پێکەوە شەڕ بکەین و پێکەوە سەرکەوتن بەدەست بهێنین بۆ هەمان شتە پیرۆزەکان."
لە ئەنجامی بوومەلەرزەکانی میانمار ١٠٠٢ کەس گیانیان لەدەستدا و ٢ هەزار و ٣٧٦ کەسیش بریندار بوون و مەترسی لە زیادبوونی ژمارەی قوربانییەکان بۆ ١٠ هەزار کەس هەیە.
لە ئەنجامی بوومەلەرزەکانی بە گوڕی ٧.٧ و ٦.٤ کە وڵاتی میانماریان هەژاند تاوەکو ئێستا ٦٩٤ کەس مردوون و ١٦٧٠ کەسیش بریندار بوون.
