لە شاری مەخاجقەڵای هەرێمی داغستانی وڵاتی رووسیا لە ئەنجامی هێرش سەر تیمەکانی پۆلیسی هاتوچۆ ٢ پۆلیس گیانیان لەدەستدا.

هێرشەکە لە چواڕێیانی شەقامەکانی کەریمۆڤ و محەمەدتاهرۆڤ لە شاری مەخاجقەڵای هەرێمی داغستان لە باکووری قەوقازەکان رووی دا.

بە پێی راگەیەندراوی سەرگەی مەلیکۆڤ سەرۆک کۆماری داغستان، شۆفێری ئۆتۆمبێلێک تەقەی کردووە سەر تیمەکانی پۆلیسی هاتوچۆ.

هێرشکارەکان ئۆتۆمبێڵی پۆلیسیان ڕفاند و لە ناوچەکە هەڵاتن. ئۆتۆمبێڵەکەی پۆلیس دواتر لە شوێنێک بەجێ هشترابوو.

وەزارەتی ناوخۆی کۆماری داغستان راگەیاند، لە ئەنجامی هێرشەکەدا ٢ پۆلیس گیانیان لەدەستدا و ٢ پۆلیسیش بریندار بوون.

وەزارەتی تەندروستی داغستان راگەیاند، لە ئەنجامی رووداوەکەدا ٧ کەس بریندار بوون. وەزارەتەکە باسی لەوە کرد، ٢ هێرشکار بە سەختی بریندار بوون و گواسترانەوە نەخۆشخانە.

تاوەکو ئێستا هیچ لایەنێک هێرشەکەی بە ئەستۆ نەگرتووە.(İLKHA)