13 oC 
Güneşli
هێزەکانی ئاسایشی میسڕ ژمارەیەکی زۆر چالاکڤان کە بۆ بەشداری لە کاروانی پشتیوانی بۆ غەززە چوبوون میسڕ لە فڕۆکەخانەی قاهیرە دەستبەسەر کرد.
بە پێی راگەیەندراوی سەرچاوەکانی خۆجێ، ٤٠ چالاکڤانی جەزائیری کە گەشتنە قاهیرە لە فڕۆکەخانی قاهیرە دەستبەسەر کران. دەستبەسەر تەلەفۆن و بەڵگەکانی چالاکڤانەکاندا گیرا و دیپۆرت کران.
هەروەها پۆلیسی میسڕ هەڵکوتایە سەر هۆتێلی مانەوەی چالاکڤانەکانی فەڕەنسی و پەیوەندی لەگەڵیان پچڕا.
بە پێی راگەیەندراوی بەرپرسانی فڕۆکەخانەی قاهیرە، لانیکەم ١٠ هاوڵاتی مەغریب کە دیانەویست بەشداری لە رێپێوانەکە بکەن پێش لەوەی بچنە ناو وڵات لە فڕۆکەخانە گەڕێندرانەوە. هەروەها هەنێک لە چالاکڤانەکانی هاوڵاتی تورکیا بە بیانووی ئەوەی ئاڵای فەلەستینیان هەڵگرتووە دیپۆرت کران.
چالاکڤانەکانی ئافرەتی تونسی بۆ ماوەی چەندین کاتژمێر لە فڕۆکەخانە دەستبەسەر کران و لێپرسینەوەیان لەگەڵ کرا.
وەزارەتی دەرەوەی میسڕ لە راگەیەندراوێکی نووسراو باسی لەوە کرد، "رێگە بە هیچ کەسێک نادرێت بە بێ ئەوەی هەماهەنگی لەگەڵ بەرپرسانی فەرمی بهێنە ناو خاکەکانی میسڕ."
لە بەردەوامی راگەیەندراوەکە هاتووە، "هەستی هاوپشتی لەگەڵ گەلی فەلەستین بەرز دەنرخێنرێت، بەڵام ئەم جۆرە دەستپێشخەرییانە کە سەروەری دەوڵەت و ئاسایشی سنوورەکان پێشێل دەکەن، تەحەمول ناکرێت."
لە میدیاکانی عەرەبی باس لەوە دەکرێت، ئیسرائیل کاتز بەناو وەزیری بەرگری رژێمی داگیرکەر فشاری فەرمی بە سەر میسڕ سەپاندووە و هۆشداری داوە کە گەشتنی کاروانەکە بۆ غەززە "هەڕەشەی ئاسایشی"ـیە.
ئەم جۆرە کاروانە نێودەوڵەتیانە کە بۆ شکاندنی گەمارۆی سەر غەززە و گەیاندنی یارمەتییە مرۆییەکان داڕێژراون، لە ڕابردوودا کاریگەر بوون لە ڕاکێشانی سەرنجی خەڵک بۆ ناوچەکە. بەڵام هەڵوێستی توندی میسڕ دەتوانێت ببێتە هۆی قەیرانێکی دیپلۆماسی نوێ لەسەر ئاستی ناوچەکە.
ڕۆژنامەنووسان و داکۆکیکارانی مافی مرۆڤ دەڵێن "ڕێگریکردن لە هاتنی خەڵکی مەدەنی بۆ یارمەتی مرۆیی" پێچەوانەی یاسا نێودەوڵەتییەکانە و دەبێت دەستبەجێ ئازاد بکرێن. داخستنی ڕێگاکانی غەززە، کارەساتی مرۆیی لە ناوچەکەدا زیاتر قووڵتر دەکاتەوە.
لە ئێستادا لانیکەم ٤٠ جەزائیری و زیاتر لە ١٠ مەغریبی و زۆرێک لە چالاکڤانانی فەرەنسی و تونسی و تورکیایی لە فڕۆکەخانە یان لە هۆتێلەکاندا دەستبەسەرن. هەندێکیان دیپۆرت کراون، پرۆسەکە بۆ هەندێکی تر بەردەوامە. گەیشتنی ئەو کاروانە بۆ شاری رەفەح بۆ ئێستا نادیارە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
رەجەب تەیب ئەردۆغان، سەرۆک کۆماری تورکیا، لە بەیاننامەی خۆیدا سەبارەت بە هێرشی رژێمی سەهیۆنی بۆ سەر ئێران سەرلەبەیانی ئەمڕۆ، بە "ئیستفزازییەکی ئاشکرا" و "بازنەیی کە یاسا نێودەوڵەتییەکان پشتگوێ دەخات" وەسف کرد.
حەبیبوڵڵا سەیاری بە شێوەیەکی کاتی بۆ پۆستی فەرماندەی گشتی سەردار محەمەد باقری کە لە هێرشی رژێمی سەهیۆنیدا شەهید بوو و ئەحمەد وەحیدی بۆ پۆستی فەرماندەی سوپای پاسداران دەستنیشان کرا.
ئەبو عوبەیدە وتەبێژی کەتائیبی عیزەدین ئەلقەسام، باڵی سەربازیی بزووتنەوەی حەماس، هێرشی رژێمی سەهیۆنی بۆ سەر ئێران شەرمەزار کرد و وتی، "ئەم هێرشە لە ئەنجامی ڕاوەستانی ئێران لە تەنیشت گەلی فەلەستین و بەرخۆدانی شەرەفمەندانە."
ڕێپێوانی نێودەوڵەتی بۆ کردنەوەی دەروازەی سنووری ڕەفەح لە دژی جینۆسایدی رژێمی سەهیۆنی لە غەززە دەستی پێکرد لە میسر بەردەوامە. فاروق دینچ پەرلەمانتاری هودا پار، ئەردال ئەلیبویوک یاریدەدەری سەرۆکی گشتی وەقفی کاروانی ئومێد و مەلا عبدالقدوس یالچن یاریدەدەری سەرۆکی گشتی إتحاد العلماء بەشداری لە رێپێوانەکە دەکەن.
