13 oC 
Güneşli
فیلیپ لازارینی، کۆمیساری گشتیی رێکخراوی فریاگوزاری و کرێکارانی نەتەوە یەکگرتووەکان بۆ پەنابەرانی فەلەستین ئونروا رایگەیاند کە پلانی یارمەتییە مرۆییەکانی رژێمی سەهیۆنی بۆ غەززە پێچەوانەی بنەما سەرەتاییەکانی یارمەتییە مرۆییەکانە و شکست دەهێنێت.
لازارینی لە بەیاننامەیەکدا کە لە پەیجی فەرمیی ئونروا لە تۆڕی کۆمەڵایەتی فەیسبووک بڵاویکردۆتەوە، رایگەیاند، "رێکخراوێکی مرۆیی کە بەڕاستی ڕێز لە مافەکانی مرۆڤ بگرێت، ناتوانێت پشتیوانی لە پلانێکی لەو شێوەیە بکات، پێموانییە ئەم مۆدێلە سەرکەوتوو بێت، پێدەچێت ئەم پلانە بۆ ئامانجە سەربازییەکان ئامادەکرابێت نەک نیگەرانییە مرۆییەکان."
ئەم لێدوانانە دوای ئەوە هات کە بەرنامەی خۆراکی جیهانی رایگەیاند کە نزیکەی ٢ ملیۆن فەلەستینی لە غەززە مەترسی برسێتییان لەسەرە. لە بەرنامەکەدا هۆشداری دراوە کە قەیرانی مرۆیی قووڵتر دەبێتەوە ئەگەر هاوکارییەکان بە بەردەوامی و سەلامەت نەگەیەنرێن.
سەرچاوە فەرمییەکان لە غەززە رایانگەیاندووە کە رژێمی سەهیۆنی بە داخستنی دەروازە سنوورییەکان رێگری لە چوونە ژوورەوەی یارمەتییەکان دەکات و ئەو گەمارۆ و سنووردارکردنانەش "ئەندازیارییەکی پلان بۆ داڕێژراوی لەناوبردنی بەکۆمەڵ و برسێتی" بووە.
رێکخراوە فریاگوزارییە نێودەوڵەتییەکان بە هۆی گەمارۆکانەوە تووشی کێشەی گەورە دەبن لە گەیاندنی هاوکارییەکان بۆ غەززە، لە کاتێکدا کەمیی خۆراک و ئاو و دەرمانی سەرەتایی لە ناوچەکەدا ڕوو لە زیادبوون دەکات. هەروەها نەتەوە یەکگرتووەکان چەندین جار هۆشداری داوە کە سیستەمی تەندروستی لە لێواری داڕماندایە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
هێرشەکانی رژێمی سەهیۆنی بۆ سەر ئێران، شوێنی نیشتەجێبوونی مەدەنیی کردە ئامانج. لە هێرشی سەر کۆمەڵگەی نیشتەجێبوونی چەمران لە تاران ٦٠ کەسی مەدەنی شەهید بوون. ئێران رایگەیاند کە تۆڵەسەندنەوە بەردەوام دەبێت و هێرشەکان بێ سزا نابن.
عیزەت ئەلریشق ئەندامی مەکتەبی سیاسی بزووتنەوەی حەماس جەختی کرد کە هێرشی مووشەکی و فڕۆکەی بێفڕۆکەوانی ئێران لە دژی رژێمی سەهیۆنی پەیامێکی ڕوونە بۆ بەرەی خۆڕاگری و وتی، "هەرکەسێک هێرش بکات باجەکەی دەدات."
ئێران لە پڕۆسەی تۆڵەسەندنەوە کە لە کاردانەوە بە هێرشەکانی ڕژێمی سەهیۆنی دەستیپێکردووە، دەچێتە قۆناغێکی نوێوە. سەرچاوە سەربازییەکانی ئێران رایانگەیاند کە لە چەند ڕۆژی داهاتوودا نەک تەنها ناوچە داگیرکراوەکان بەلکو بنکەکانی ئەمریکا لە ناوچەکە دەکرێنە ئامانج.
کەتائیبی قەسام لقی سەربازی بزووتنەوەی حەماس راگەیاند، لە ئەنجامی ئۆپڕاسیۆنێکی کەمینی لە ناوچەی بەیت لاهیا لە باکووری کەرتی غەززە گروپێک سەربازی داگیرکەر کوژران و بریندار کران.
