حەماس: ئەمە شەڕی قەدەرە، دەبێت ئوممەت یەکگرتوو بێت
13 oC
13 oC
Güneşli
13 oC
Güneşli
بزووتنەوەی خۆڕاگری ئیسلامی فەلەستین حەماس، هێرشی رژێمی سەهیۆنی بۆ سەر ئێران بە "پێشهاتێکی گرنگ کە چارەنووسی ناوچەکە دیاری دەکات" وەسف کرد و جەختی لەوە کردەوە کە هەموو ئومەت دەبێت لە دژی ئەم هەڕەشەیە یەکبگرن.
حەماس لە راگەیەندراوێک ئاماژەی بەوە کرد کە ئەم هێرشە جیددییە پێشێلکارییەکی ئاشکرای یاسا نێودەوڵەتییەکان و نۆرمە مرۆییەکانە و پڕۆژەی سەهیۆنی نەک تەنیا بۆ سەر فەلەستین بەڵکو بۆ هەموو گەلانی ناوچەکە هەڕەشەی وجودیی دروست دەکات.
لەو بەیاننامەیەدا هاتووە، "پلانی فراوانخوازانە و داگیرکەرانەی رژێمی سەهیۆنی بۆ ناوچەکە بەردەوامە و هێرشەکانی بۆ سەر هەموو گەلانی خۆڕاگر بەردەوام لە زیادبووندایە."
حەماس رایگەیاند کە شەهیدانی ئەو هێرشە بریتی بوون لە فەرماندەی سوپای پاسدارانی شۆڕشی ئیسلامی، سەردار حوسێن سەلامی، سەرۆکی ئەرکانی ئێران سەردار محەمەد باقری و زۆرێک لە زانایانی ئەتۆمی و هاوخەمی قووڵی خۆی بۆ گەل و ڕێبەرایەتی ئێران دەربڕی. هەروەها هیوای زوو چاکبوونەوەی بۆ بریندارەکان خواست.
بزووتنەوەی حەماس رایگەیاند کە ئێران بەدەلی پاڵپشتی چەسپاوانەی لە دۆزی فەلەستین و هەڵوێستی نەتەوەیی سەربەخۆی خۆی داوە. داوای لە هەموو جیهانی ئیسلامی و هێزەکانی خۆڕاگری کرد کە لەم کاتە هەستیارەدا هەڵوێستی هاوبەش و بەهێز لە دژی ئەم هێرشە بگرنەبەر.
لە کۆتاییدا بەیاننامەی حەماس جەختی لەسەر ئەوە کردەوە کە رژێمی سەهیۆنی دوژمنی سەرەکی ئوممەتە، هەروەها ئاماژەی بە گرنگی یەکڕیزی و یەکگرتوویی لەم تێکۆشانە پیرۆزەدا کرد.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
رەجەب تەیب ئەردۆغان، سەرۆک کۆماری تورکیا، لە بەیاننامەی خۆیدا سەبارەت بە هێرشی رژێمی سەهیۆنی بۆ سەر ئێران سەرلەبەیانی ئەمڕۆ، بە "ئیستفزازییەکی ئاشکرا" و "بازنەیی کە یاسا نێودەوڵەتییەکان پشتگوێ دەخات" وەسف کرد.
حەبیبوڵڵا سەیاری بە شێوەیەکی کاتی بۆ پۆستی فەرماندەی گشتی سەردار محەمەد باقری کە لە هێرشی رژێمی سەهیۆنیدا شەهید بوو و ئەحمەد وەحیدی بۆ پۆستی فەرماندەی سوپای پاسداران دەستنیشان کرا.
ئەبو عوبەیدە وتەبێژی کەتائیبی عیزەدین ئەلقەسام، باڵی سەربازیی بزووتنەوەی حەماس، هێرشی رژێمی سەهیۆنی بۆ سەر ئێران شەرمەزار کرد و وتی، "ئەم هێرشە لە ئەنجامی ڕاوەستانی ئێران لە تەنیشت گەلی فەلەستین و بەرخۆدانی شەرەفمەندانە."
ڕێپێوانی نێودەوڵەتی بۆ کردنەوەی دەروازەی سنووری ڕەفەح لە دژی جینۆسایدی رژێمی سەهیۆنی لە غەززە دەستی پێکرد لە میسر بەردەوامە. فاروق دینچ پەرلەمانتاری هودا پار، ئەردال ئەلیبویوک یاریدەدەری سەرۆکی گشتی وەقفی کاروانی ئومێد و مەلا عبدالقدوس یالچن یاریدەدەری سەرۆکی گشتی إتحاد العلماء بەشداری لە رێپێوانەکە دەکەن.
