13 oC 
Güneşli
دابەشکردنی یارمەتییە مرۆییەکان کە لەلایەن ڕێکخراوە نێودەوڵەتییەکانی یارمەتی لە کەرتی غەززە پێشکەش دەکرێن، ئەمڕۆ دەستیپێکرد. لە کاتێکدا ئۆپڕاسیۆنەکانی دابەشکردن لە غەززە و باکوور بە سەلامەتی لە ژێر چاودێری هۆزە فەلەستینییەکان و لیژنە جەماوەرییەکاندا ئەنجام دەدرێن، هێرشێکی جددی بۆ سەر کاروانی هاوکارییەکان لە ناوچەی خان یونسی باشوور ئەنجام درا.
بەگوێرەی سەرچاوە ناوخۆییەکان، ١٠٠ هەزار کیسە ئاردی کە ڕۆژی چوارشەممە گەیشتووەتە هەرێم، گەیەندراوەتە کۆگاکانی دامودەزگا پەیوەندیدارەکان. رێکخراوە فریاگوزاریەکان لە ڕێگەی کورتەنامەیەکەوە گەیشتنە سەدان هاوڵاتی و داوایان لێکردن پارسێلی خۆراک لە خاڵەکانی دابەشکردن وەربگرن.
هۆزەکان ئاسایشیان دابین دەکرد بەڵام نەیانتوانی ڕێگری لە تاڵانکردن بکەن
عاکیف ئەلمەسری، کۆمیساریای باڵای هۆزەکان لە غەززە لە بەیاننامەکەیدا جەختی لەوە کردەوە کە دابەشکردنی هاوکارییەکان لەلایەن دامەزراوە ناوخۆیی و نێودەوڵەتییە ڕێگەپێدراوەکانەوە ئەنجام دراوە و تەواوی پرۆسەکە بە پێی ستانداردە نێودەوڵەتییەکان ئەنجام دراوە. بەڵام ئەلمەسری سەرنجی بۆ هێرشەکەی خان یونس ڕاکێشا و رایگەیاند کە ٧٠ بارهەڵگری فریاگوزاری لەلایەن گروپە چەکدارەکانەوە تاڵان کراون و لێکۆڵینەوە لە رووداوەکە بەردەوامە و ئەنجامدەرانیش دەدرێنە دادگا.
هەوڵی رژێمی سەهیۆنی بۆ دوورخستنەوەی ئونروا شەرمەزار کرا
ئەلمەسری هەروەها کاردانەوەی توندی بەرامبەر بە هەوڵەکانی رژێمی سەهیۆنی بۆ پێشگرتن لە بەشداریکردنی ڕێکخراوی ئونروا کە سەر بە ڕێکخراوی نەتەوە یەکگرتووەکانە لە پرۆسەی یارمەتییەکان و وتی، "ئێمە هەرگیز ئەم پلانە بۆ لەناوبردنی ئونروا قبوڵ ناکەین. ئێمە ئامادەین هەموو جۆرە پشتیوانییەک پێشکەش بکەین بۆ ئەوەی بتوانن لە مەیدانەکەدا کار بکەن."
دکتۆر عودەی دەبور سەرۆکی تیمە گەڕۆکەکانی کۆمەڵەی فریاگوزاری پزیشکی غەززە رایگەیاند، ئەو ٧٠ بارهەڵگری فریاگوزارییەی کە هێرشیان کرایە سەر لەلایەن کەسانی هۆزەکانی فەلەستینیەوە دابینکراون، بەڵام لەلایەن گروپە چەکدارەکانی ڕۆژهەڵاتی خان یونس کە لەژێر کۆنترۆڵی هێزەکانی داگیرکەردایە، خراونەتە بۆسەیەکەوە. دەبور ئاماژەی بەوەشکرد، هێرشبەرەکان تەقەیان لە شۆفێران کردووە و ژمارەیەکی زۆریش بریندار بوون.
داگیرکاری درۆ بڵاودەکاتەوە: ئامانج ڕێگریکردنە لە هاوکارییەکان
نووسینگەی راگەیاندنی حکوومەتی غەززە بە توندی قسەکانی رژێمی سەهیۆنی ڕەت کردەوە کە حەماس دەستی بەسەر یارمەتییەکانیدا گرتووە. لە بەیاننامەکەدا هاتووە کە ئەم جۆرە هەواڵە ناڕاستانە بە مەبەستی شەرعیەتدان بە برسێتی و ڕێگریکردن لە هاوکارییەکان بووە، ئاماژەی بەوەشکردووە، "گەیاندنی سەلامەتی هاوکارییەکان بە تەواوی بە هەوڵی خەڵک و هۆزەکان بووە؛ هیچ پێکهاتەیەکی سیاسی دەستوەردانی لە پرۆسەکەدا نەکرد."
لە لایەکی دیکەوە، بنیامین نەتانیاهۆ، بەناو سەرۆک وەزیرانی رژێمی سەهیۆنی، سوپا و بەناو وەزیری جەنگی خۆی ڕاسپارد کە پلانێک بۆ پێشگرتن لە کۆنترۆڵکردنی هاوکارییەکانی حەماس لە ماوەی ٤٨ کاتژمێردا ئامادە بکەن. نووسینگەی راگەیاندنی غەززە هەنگاوەکانی وەک سیاسەتی داگیرکەری هەڵسەنگاند کە بە شێوەیەکی سیستماتیکی ڕێگری لە گەیشتن بە یارمەتییەکان و گۆڕینی برسێتی بۆ چەک.
خەڵکی غەززە ڕووبەڕووی گەمارۆ و برسێتی دەبنەوە
لە بەیاننامە ڕۆژنامەوانییەکەدا جەختی لەسەر ئەوە کردەوە کە رژێمی سەهیۆنی ١١٨ ڕۆژە دەروازەکانی یارمەتییە مرۆییەکان بە داخراوی هێشتووەتەوە و ئەم دۆخە نزیکەی ٢.٤ ملیۆن فەلەستینی ڕووبەڕووی مردنی کردووەتەوە.
هەروەها باس لەوە کراوە، "لە ٢٧ی ئایارەوە تا ئێستا ٥٤٩ کەس شەهید بوون و ٤٠٦٦ کەسیش بریندار بوون بە گۆڕینی خاڵە یارمەتییەکان بۆ تەڵەی مردن. پڕۆژەکانی وەک 'دەزگای یارمەتی مرۆیی غەززە' کە لەلایەن ئیسرائیل و ئەمریکا پاڵپشتی دەکرێت، بەشێکە لە پلانەکانی ملکەچکردن و کوشتن لە ژێر پەردەی یارمەتییە مرۆییەکان."(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
دۆنالد ترامپ، سەرۆکی ویلایەتە یەکگرتووەکانی ئەمریکا بەرگری لە دۆسیەی گەندەڵی کرد کە لەدژی بنیامین نەتانیاهۆ سەرۆک وەزیرانی رژێمی سەهیۆنی تۆمار کراوە. ترامپ بە نەتانیاهۆ بە "قارەمان" ناوی بردووە، داوای هەڵوەشاندنەوەی دۆسیەکە یان لێی خۆشبوون کرد.
گروپێک جووڵەکەی داگیرکەر لە ژێر پاراستنی پۆلیسەکانی داگیرکەر هەڵکوتانە سەر مزگەوتی ئەقسا و چالاکییەکانی ئایینی ئیستیفزازیان ئەنجام دایەوە.
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٥٦ هەزار و ٢٥٩ کەس و ژمارەی بریندارەکانیش گەشتە ١٣٢ هەزار و ٤٥٨ کەس.
