13 oC 
Güneşli
یفتاهـ ڕۆن تال، فەرماندەی پێشووی هێزە زەمینیەکانی رژێمی سەهیۆنی ڕایگەیاند، نزیکەی دوو ساڵ هێرشەکان لە غەززە، سوپایان ماندوو کردووە و کارەسات نزیکە ئەگەر حکومەت ستراتیژێکی ڕوون دانەڕێژێت.
یفتاهـ ڕۆن تال، فەرماندەی پێشووی هێزی زەمینی رژێمی سەهیۆنی بە توندی ڕەخنەی لە حکومەتی رژێمی داگیرکەر گرت و وتی، "ئەگەر بەم شێوەیە لە غەززە بەردەوام بین لە کارەسات نزیک دەبینەوە."
بەپێی هەواڵێکی ڕۆژنامەی ئۆرشەلیم پۆست، ڕۆن تال ڕایگەیاندووە کە ئیدارەی تەلئەبیب نەیتوانیوە ستراتیژییەکی ڕوون لە شەڕی نزیکەی دوو ساڵەدا دابڕێژێت، ئەمەش هەموو دەستکەوتە سەربازییەکانی لەسەر زەوی دەخاتە مەترسییەوە.
ڕۆن تال جەختی لەوە کردەوە کە سوپا لە ڕووی ئۆپڕاسیۆنییەوە لەکارکەوتووە، بە تایبەتی یەکەکانی یەدەگ لە دۆخێکی زۆر ماندووبووندان و وتی، "شەڕ ناتوانێت بۆ هەمیشە بەردەوام بێت، دەبێت حکومەت ئامانجی ڕوون دابنێت و بڕیار بدات بۆ کوێ."
ڕۆن تال هەروەها دانی بە شکستی رژێمی سەهیۆنی لە بەڕێوەبردنی یارمەتییە مرۆییەکان لە غەززەدا نا و وتی، "لە ماوەی شەڕی چەند مانگێکدا نەتوانرا پێکهاتەیەکی بەرپرسیار لە کاروباری مرۆیی دابمەزرێت و هەر ئەمەش بووە هۆی ئەوەی کە حەماس کۆنترۆڵی خۆی بەسەر ناوچە مەدەنییەکان بپارێزێت."
لەگەڵ پەرەسەندنی بانگەوازەکانی ناو سوپا بۆ کۆتاییهێنان بە هێرشەکانی سەر غەززە، خێزانی سەربازەکانیش داوای ئازادکردنی دیلەکان و کۆتاییهێنان بە شەڕ دەکەن. سەرەڕای ئەمەش، دەوترێت رژێمی سەهیۆنی پلانێکی ڕوونی نییە کە چۆن و کەی کۆمەڵکوژی و جینۆساید کۆتایی دێت.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە وڵاتی پاکستان بەهۆی بارینی بارانی وەرزی گەرما لافاو هەڵسا و ٢٩٩ کەس گیانیان لەدەستدا.
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٦٠ هەزار و ٨٣٩ کەس و ژمارەی بریندارەکانیش گەشتە ١٤٩ هەزار و ٥٨٨ کەس.
خانەوادەی ئەسیرەکانی سەهیۆنی لە غەززە ڕایانگەیاندووە کە دەبێت ڕێککەوتنێکی هەمەلایەنە بەسەر رژێمی داگیرکەردا بسەپێندرێت و فراوانکردنی ئۆپڕاسیۆنە سەربازییەکان بە "حوکمی لەسێدارەدان" بۆ ئەسیرەکانە.
ئیدیعای دۆنالد ترامپ، سەرۆکی ویلایەتە یەکگرتووەکانی ئەمریکا کە ٦٠ ملیۆن دۆلار هاوکاری بۆ غەززە نێردراوە، لەلایەن ڕۆژنامەی واشنتۆن پۆستەوە ڕەتکراوەتەوە و ڕاگەیەندرا لە ڕاستیدا تەنها ٣ ملیۆن دۆلار نێردراوە.
