13 oC 
Güneşli
ڕێکخراوی تەندروستی جیهانی راگەیاند، لە تەواوی ویلایەتی سوودان (١٨ ویلایەت) حاڵەتی تووشبوون بە کۆلێرا تۆماڕ کراوە.
ڕێکخراوی تەندروستی جیهانی راگەیاند، لە وڵاتی سوودان کە شەڕی ناوخۆی زیاتر لە ٢ ساڵە بەردەوامە لە مانگی ئابی ٢٠٢٤ـەوە زیاتر لە ٩٦ حاڵەتی تووشبوون بە کۆلێرا تۆماڕ کراوە.
ڕێکخراوەکە لە بەیاننامەیەکدا ڕایگەیاندووە، دوای زیاتر لە دوو ساڵ لە ململانێ، سودان یەکێک لە گەورەترین قەیرانە مرۆییەکانی جیهان بەخۆیەوە دەبینێت، کە بە نەخۆشی و برسێتی و ئاوارەیی تایبەتمەندە. لە بەیاننامەکەدا جەختیش کراوەتەوە کە نەخۆشی سورێژە و مەلاریا بەردەوامە لە بڵاوبوونەوە.
وەزارەتی تەندروستی سوودان هەروەها بەیاننامەیەکی بڵاوکردەوە و ڕایگەیاند، لە ماوەی هەفتەیەکدا ٢ هەزار و ٣٤٥ حاڵەتی نوێی کۆلێرا و ٢١ حاڵەتی گیانلەدەستدان تۆماڕ کراوە. بەمەش کۆی گشتی ژمارەی تووشبووان لە مانگی ئابی ٢٠٢٤ەوە گەیشتە ٩٦ هەزار و ٦٨١ کەس.
هاوکات سندوقی منداڵانی نەتەوە یەکگرتووەکان (یونیسێف) هۆشدارییەکی جددی بڵاوکردەوە و ڕایگەیاند، زیاتر لە ٦٤٠ هەزار منداڵی خوار تەمەنی پێنج ساڵ مەترسیی توندوتیژی و برسێتی و نەخۆشییان لەسەرە، بەهۆی بڵاوبوونەوەی پەتای کۆلێرا لە ویلایەتی دارفۆری باکوور لە ڕۆژئاوای سوودان.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
بزووتنەوەی خۆڕاگری ئیسلامی فەلەستین حەماس، جەختی لەوە کردەوە کە شەرمەزارکردن و کاردانەوەکانی کۆمەڵگەی نێودەوڵەتی بەرامبەر بە هێرشەکانی رژێمی سەهیۆنی بۆ سەر غەززە دەبێت بگۆڕدرێن بۆ هەنگاوی کۆنکرێتی و ڕاگرتن.
رووسیا بە درێژایی شەو بەردەوام بوو لە هێرشەکانی سەر ئۆکرانیا. بەرپرسانی خۆجێی ڕایانگەیاند کە لانیکەم ٥٨٢ فڕۆکەی بێفڕۆکەوان و مووشەک ئاڕاستەی شارە جۆربەجۆرەکانی ئەو وڵاتە کراون و بەهۆیەوە لانیکەم کەسێک لە ناوچەی زاپۆریژیا کوژراوە و ٢٤ کەسی دیکەش بریندار بوون کە ٣یان منداڵ بوون.
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٦٣ هەزار و ٣٧١ کەس و ژمارەی بریندارەکانیش گەشتە ١٥٩ هەزار و ٨٣٥ کەس.
کەتائیبی قەسام وردەکاریی ئۆپڕاسیۆنی بەرخۆدانی فەلەستینیان لە کاتژمێرەکانی سەرەتای بەرەبەیاندا بڵاوکردەوە کە بووە هۆی کوژران و برینداربوون و بێسەروشوێنکردنی زۆرێک لە سەربازانی داگیرکەر.
