سوپای داگیرکەر سەرەڕای ڕێککەوتنی ئاگربەست، بنکەیەکی سەربازی نوێ لە باشووری لوبنان دروست دەکات.

بەگوێرەی سەرچاوە ئەمنییەکانی لوبنان و شایەتحاڵانی ڕووداوەکە، سوپای داگیرکەر سەرقاڵی دروستکردنی بنکەیەکی سەربازی نوێ لە باشووری لوبناندایە.

ئەگەر ئەم بنەکە دروست بکرێت ژمارەی ئەو بنکەیانەی لە سنووری باشووری لوبنان دروست کراون دەگاتە ٦ بنکە

سەرچاوەیەکی ئەمنی لوبنان راگەیاند، "تیمێکی سەربازی ئیسرائیلی بە چەند بولدۆزەر و هەفکەرەوە تەیارکراوەوە دەستیان کردووە بە دروستکردنی بنکەیەکی سەربازی نوێ لە حەلەت ئەلمەخەفیر کە دەکەوێتە ڕۆژهەڵاتی ناوچەی سنووری باشووری لوبنان."

سەرچاوەکە ئاماژەی بەوەشکردووە، ئەم بنکە سەربازییە نزیکەی ٨٠٠ مەتر لە ناو خاکی لوبناندایە، لە نزیک شوێنی نیشتەجێبوونی لە خاکی داگیرکراوی فەلەستینە.

شایەتحاڵانی گوندەکانی سەر سنوور هەروەها ڕایانگەیاندووە کە "تیمە ئیسرائیلییەکان زەوییان یەکسان کردووە، پەناگەیان هەڵکەندووە، کۆمەڵە زەوییەکیان دروستکردووە، هەروەها دەیان بلۆکی کۆنکرێتییان لە دەوری شوێنەکە داناوە."

دەگوترا ئەو تیمە لەژێر پاراستنی ژمارەیەکی زۆر لە تانکی مێرکاڤای سەهیۆنی کە لەسەر گردەکانی سەرووی ئەم خاڵە جێگیر بوون، چالاکی دەکەن.

سەرەڕای ڕێککەوتنی ئاگربەستی نێوان ڕژێمی داگیرکەر و حزب الله کە لە ٢٧ی تشرینی دووەمەوە کەوتە بواری جێبەجێکردنەوە، سەهیۆنییەکان بەردەوامن لە داگیرکردنی پێنج ناوچەی داگیرکراو لە باشووری لوبنان و درێژەدان بە هێرشە ئاسمانییەکان بۆ سەر ناوچە سنوورییەکان و بانگەشەی ئەوە دەکەن کە ئامانجیان نەهێشتنی "هەڕەشەکانی حزب الله"یە.

بەگوێرەی سەرچاوەکان، پێنج پێگە داگیرکراوەکان کەوتوونەتە سەر گردە ستراتیژییەکان کە دیمەنێکی فەرماندەیی بۆ ناوچەکە و پێگەیەکی تەقەکردنی سەرووتر دەڕەخسێنن، و بەرزترن لە شوێنی نیشتەجێبوونی فەلەستینی داگیرکراو لە باکوور.(İLKHA)