ئەنتۆنیۆ گۆتێرێس سکرتێری گشتیی ڕێکخراوی نەتەوەکان ڕایگەیاند کە بە هۆی تۆمەتی توندوتیژی ڕەگەزی لە دژی زیندانیانی فەلەستینی هێزەکانی رژێمی سەهیۆنی لە ڕاپۆڕتی داهاتوودا لیستی دەستدرێژی ڕەگەزی زیاد دەکەن.

ئەنتۆنیۆ گۆتێرێس سکرتێری گشتی نەتەوە یەکگرتووەکان هۆشدارییەک بۆ رژێمی سەهیۆنی بڵاو کردەوە.

گۆتێرێس بە پشتبەستن بەو زانیاریانەی لە سەرچاوە باوەڕپێکراوەکانەوە دەستی کەوتووە، تۆمەتەکانی وروژاند کە هێزەکانی رژێم توندوتیژی ڕەگەزییان لە دژی زیندانیانی فەلەستینی ئەنجام داوە.

گۆتێرێس لە ڕێگەی نوێنەری رژێمی سەهیۆنییەوە پەیامەکەی پێشکەش کرد و ڕایگەیاند کە "بەپێی زانیارییە باوەڕپێکراوەکان، پێشێلکارییە ڕەگەزییە جیددیەکان بەرامبەر بە فەلەستینییەکان دەستنیشانکراون". هەروەها جەختی لەوە کردەوە کە بەردەوامی ڕەتکردنەوەی چاودێرانی نەتەوە یەکگرتووەکان بۆ چوونە ناو زیندانەکان و ناوەندەکانی دەستبەسەرکردن، وا دەکات کە بە وردی دیاریکردنی ڕادەی پێشێلکارییەکان قورس بێت.

ناوبراو ڕاگەیاند، "هێزەکانی رژێمی سەهیۆنی چاودێری دەکرێن و لەوانەیە لە ماوەی ڕاپۆرتی داهاتووی نەتەوە یەکگرتووەکاندا بخرێنە لیستی دەستدرێژی ڕەگەزیەکانەوە. رژێم ڕاسپێردرا کە دەستبەجێ هەموو کردەوەکانی توندوتیژی ڕەگەزی ڕابگرێت و بەپەلە لێکۆڵینەوە لە تۆمەتەکان بکات."

نوێنەری رژێمی سەهیۆنی لێدوانەکانی گۆتێرێسی ڕەتکردەوە و ئیدیعای کرد کە ئەو تۆمەتانە بێ بنەما و لایەنگرین.(İLKHA)