ئۆکرانیا بۆ دڵنیابوون لە ئاسایشی وڵاتەکەی بە بەهای ١٠٠ ملیار دۆلار چەک لە ئەمریکا دەکڕێت کە لەلایەن ئەوروپاوە پارەی بۆ دابین دەکرێت.

لە کۆشکی سپی کۆبوونەوەی نێوان دۆنالد ترامپ، سەرۆکی ئەمریکا و ڤۆلۆدیمیر زێلێنسکی سەرۆکی ئۆکرانیا و سەرکردەکانی ئەوروپا بەڕێوەچوو.

ئۆکرانیا پابەند دەبێت بە کڕینی چەکی ئەمریکی بە بەهای ١٠٠ ملیار دۆلار، کە لەلایەن ئەوروپاوە پارەی بۆ دابین دەکرێت، بۆ گەرەنتی ئاسایشی وڵاتەکەی دوای ڕێککەوتنی ئاشتی لەگەڵ رووسیا.

بەم پێیە، کیێڤ و واشنتۆن ڕێککەوتنێکی ٥٠ ملیار دۆلاریان لەگەڵ کۆمپانیا ئۆکرانیاییەکان واژۆکرد کە پێشەنگن لەم تەکنەلۆژیایەدا، بۆ بەرهەمهێنانی فڕۆکەی بێ سەرنشین لە سەرەتای هێرشی ڕووسیا لە ساڵی ٢٠٢٢ـەوە.

ناوبراو بەڕوونی ئەوەی خستەڕوو کە ئۆکرانیا دەیەوێت لانیکەم ١٠ سیستەمی بەرگری ئاسمانی پاتریۆت کە لە ئەمریکا دروستکراون و مووشەک و کەرەستەی دیکە بکڕێت بۆ پاراستنی شارەکانی و ژێرخانی گرینگ بەپێی ئەو ڕێککەوتنە.

کاتێک لە کۆشکی سپی پرسیاری لەبارەی یارمەتییە سەربازییە زیادەکانی ئەمریکا بۆ ئۆکرانیا کرا، ترامپ لە وەڵامدا وتی، "ئێمە هیچ نادەین، ئێمە چەک دەفرۆشین."(İLKHA)