ئاژانسی بەڕێوبەرایەتی کاروباری نیشتیمانی نێجیریا ڕاگەیاند، لە سەرەتای ساڵەوە لە ژمارەیەکی زۆر ناوچەی وڵات لافاو هەڵساوە و لافاو بووە هۆی گیانلەدەستدانی ژمارەیەکی زۆر کەس.

بە پێی ئامارەکانی ئاژانسەکە ٢٢٨ کەس گیانیان لەدەستداوە و ٤٩٥ کەسیش بریندار بوون و ١١٤ کەسیش بێ سەروشوێنن.

هەروەها بەهۆی لافاوەکە زیاتر لە ٧١ هەزار کەس ناچار ماون خانووکانیان بەجێ بهێڵن و کاریگەری رووداوەکە بە سەر زیاتر لە ٢٠٩ هەزار کەس هەبووە.

هەروەها باس لەوە کرا کە ٢١ هەزار و ٢٥٧ خانوو ڕوخاون یانیش زیانی زۆریان پێگەشتووە.

دەستنیشان کرا، لە ٧٦ ناوچە نزیکەی ٢٣ هەزار و ٥٠٠ زەوی لە ژێر ئاوەکاندا ماون و ناتوانرێن بۆ کشتوکاڵ بەکار بهێنرێن.(İLKHA)