رژێمی سەهیۆنی هێرش دەکاتە سەر غەززە: ٣٠ شەهید
13 oC
13 oC
Güneşli
13 oC
Güneşli
لە ئەنجامی هێرشەکانی سەر ناوچە جۆربەجۆرەکانی غەززە، ٣٠ فەلەستینی شەهید بوون کە هەنێکیان چاوەڕوانی وەرگرتنی هاوکاری مرۆیی بوون.
ئەمڕۆ لە هێرشەکانی سەر ناوچە جۆربەجۆرەکانی غەززە ٣٠ فەلەستینی شەهید بوون.
بەگوێرەی سەرچاوە تەندروستییەکان، لە ئەنجامی هێرش سەر خێمەکانی ئاوارەکان لە ناوچەی مەواسی لە خان یونس، ٦ کەس کوژراون. هەروەها لەو هێرشانەدا چوار هاوڵاتی مەدەنی کە لە کەمپی نوسەیرات لە ناوەڕاستی غەززە چاوەڕێی وەرگرتنی هاوکاری بوون کوژران.
لە ئەنجامی هێرش بۆ سەر ماڵێک لە گەڕەکی تەل حەوا لە شاری غەززە و خێمەیەکی پەنابەران لە ناوچەی سودانیە لە ناوەندی شارەکە ٩ کەس شەهید بوون و ژمارەیەکی زۆریش بریندار بوون.
لە ئەنجامی هێرش سەر ماڵێک لە کەمپی ئەلبورەیج لە ناوەڕاستی غەززە ٢ کەس کوژران و ژمارەیەکی دیکەش بریندار بوون.
لە دەیر بەلەح لە هێرشێکدا بۆ سەر ماڵێک پیاوێک و هاوسەرەکەی شەهید بوون و ژمارەیەکی زۆر کەسیش بریندار بوون. هەر لەو شارەدا، ناوچەیەکی مەدەنی لە شەقامی ئەبو حوسنی کرایە ئامانج و ٣ کەسی دیکە کوژران.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
ڕێکخراوی ئونروا کە هاوکاری بۆ پەنابەرانی فەلەستینی دەکات، ڕایگەیاندووە، پەرەسەندنی هێرشەکان لە غەززە، قەیرانی مرۆیی قووڵتر دەکاتەوە و هەزاران خێزان ناچار دەکات ماڵ و حاڵی خۆیان بەجێبهێڵن.
لە ئەنجامی هێرشەکانی رژێمی داگیرکەری سەهیۆنی بۆ سەر غەززە کە ٧ی تشرینی یەکەم دەستی پێکرد ژمارەی شەهیدەکان گەشتە ٦٣ هەزار و ٢٥ کەس و ژمارەی بریندارەکانیش گەشتە ١٥٩ هەزار و ٤٩٠ کەس.
حوسێن حاج حەسەن پەرلەمانتاری حزب الله بڕیاری "چەک دانانی"ی حکومەتی لوبنانی بە "هەڵەیەکی گەورە" وەسفکرد و ڕایگەیاند، ئەم هەنگاوە ستراتیژێکە بە ئامانجی لاوازکردنی بەرخۆدان.
