13 oC 
Güneşli
ئیسرائیل کاتز بەناو وەزیری بەرگری رژێمی سەهیۆنی ڕایگەیاند کە بەردەوام دەبن لە بەئامانجگرتنی تاوەرەکانی نیشتەجێبوون لە غەززە. ئەم بەیاننامەیە کە چاوپۆشی لە هۆشدارییەکانی کۆمەڵگەی نێودەوڵەتی دەکات سەبارەت بە جینۆساید، جارێکی دیکە تیشکی خستە سەر ئاسۆی سزادانی بەکۆمەڵ بۆ خەڵکی مەدەنی.
ئیسرائیل کاتز بەناو وەزیری بەرگری رژێمی کوژەر لە بەیاننامەیەکدا لە پلاتفۆرمی سۆشیال میدیا ئێکس هەڕەشەی نوێی لە دژی غەززە کرد و وتی، "ئەمڕۆ زریانێکی گەورە ئاسمانی غەززە دەهەژێنێت و سەقفەکانی تاوەرەکانی تیرۆر دەڕوخێت."
وەزیری داگیرکەر لە هەڕەشەکانیدا بۆ بەرخۆدان وتی، "ئەمە دوا هۆشدارییە: دیلەکانمان ئازاد بکەن و چەکەکانتان ڕادەست بکەن؛ ئەگەرنا غەززە لەناو دەچێت، ئێوەش لەناو دەچن."
ئەم لێدوانەی کاتز دوای ئەوە هات کە سوپای داگیرکەر بە شێوەیەکی سیستماتیکی دەستی کرد بە ڕووخاندنی تاوەرەکانی نیشتەجێبوون لە غەززە لە بۆردومانێکی تونددا کە لە هەینیەوە بەردەوامە. ئەم هێرشانە هەزاران هاوڵاتی مەدەنی بێ ماڵ و حاڵیان کردووە و کارەساتی مرۆیی زیاتر قووڵتر کردووەتەوە.
هەروەها پێدەچێت ٤٨ ئەسیری داگیرکەر لە غەززەن و تەنها ٢٠یان زیندوون. لەبەرامبەردا زیاتر لە ١١ هەزار بەندکراوی فەلەستینی لە زیندانە داگیرکراوەکاندا تووشی ئەشکەنجە و برسێتی و پشتگوێخستنی پزیشکی دەبن.
چاودێران جەخت لەوە دەکەنەوە کە ڕووخاندنی تاوەرەکان کردەوەیەکی سەربازی نەبووە، بەڵکو کردەوەی سزادانی بەکۆمەڵ بووە بەرامبەر بە خەڵکی مەدەنی. کارناسان باس لەوە دەکەن کە رژێمی سەهیۆنی خەڵکی غەززە بەرەو باشوور و پاشان بەرەو میسر ناچار دەکات.
رژێمی داگیرکەری سەهیۆنی لە ٧ی ئۆکتۆبەری ٢٠٢٣یەوە بەردەوامە لە هێرش سەر غەززە و لە ئەنجامی هێرشەکاندا زیاتر لە ٢٦٦ هەزار کەس شەهید و بریندار بوونەتە و ملیۆنان کەسیش ئاوارە بوونەتە.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
رژێمی داگیرکەری سەهیۆنی لە ئەنجامی هێرشێکی ئاسمانی بۆ سەر دەوحەی پایتەختی قەتەر باڵەخانەیەک کە بەرپرسانی حەماس تێدابوو کردە ئامانج.
بزووتنەوەی جیهادی ئیسلامی لە فەلەستین سووتاندنی گوندەکانی کەرتی ڕۆژئاوا و داوای تۆڵەسەندنەوە لە خەڵک لە لایەن بەناو وەزیرەکانی حکوومەتی رژێمی سەهیۆنی بە توندی ئیدانە کرد و جەختی لەوە کردەوە کە ئەم سیاسەتانە تاوانێکی ڕوون.
سەرییەکانی قودس لقی سەربازی بزووتنەوەی جیهادی ئیسلامی فەلەستین ڕاگەیاند کە ڕێگریان لە دزەکردنی "هیزێکی تایبەت"ـی سوپای داگیرکەر کردوون و دوای ئۆپڕاسیۆنەکە دەستیان بە سەر ژمارەیەکی زۆر ئامێری سەربازی و هەواڵدەریدا گرتوون.
ڕێکخراوی بەرگری شارستانی غەززە ڕایگەیاند کە لە ماوەی ٧٢ کاتژمێری ڕابردوودا پێنج باڵەخانەی بەرز و سەدان خێمە وێران کران و هەزاران خێزان بێ ماڵ و حاڵ بوون و "غەززە دەسوتێت، مرۆڤایەتی لەناو دەچێت" و داوای هاوکاریی بەپەلەی کۆمەڵگەی نێودەوڵەتی کرد.
