ئەنەس خەتاب وەزیری ناوخۆی سوریا دامەزراندنی نوێی لە پارێزگای سوەیدا ڕاگەیاند. ئەم هەنگاوە لە چوارچێوەی پلانێکی تۆکمە بۆ داڕشتنەوەی هێزە ئەمنییەکان و پۆلیسەکان نرا.

ئەنەس خەتاب لە پۆستێکدا لەسەر پلاتفۆرمی ئێکس ڕوونی کردەوە کە ئەم دامەزراندنانە بە بەشداری کارای دانیشتوانی پارێزگا و پێکهێنەرە جیاوازەکان ئەنجام دراون. هەروەها جەختی لەوە کردەوە کە ئەم هەنگاوە لەگەڵ پێداویستییەکانی سەردەمی ئێستادا هاوتەریبە و دەستپێکی پرۆسەیەکی سەقامگیرترە لە سوەیدا.

بەگوێرەی ڕاپۆرتی وەزارەتی ناوخۆ، خەتاب دیدارێکی زۆر ئامادەبووی لەگەڵ فەرماندەی ئاسایشی ناوخۆی سوەیدە، جەنەڕاڵ حوسام ئەلتەهان و جێگرەکانی و سەرۆک پۆلیسەکانی ئەنجام داوە.

دوابەدوای پەسەندکردنی تیمی نوێی بەڕێوەبردنی ئاسایشی ناوخۆ، لە کۆبوونەوەکەدا باس لە دوایین پێشهاتەکان و دۆخی ئەمنی پارێزگاکە کرا. هەروەها باسیان لە ئاستەنگەکانی بەردەم ئۆپڕاسیۆنە ئەمنییەکان کرد و پلان و ڕێکارەکانی دڵنیابوون لە پاراستنی هاوڵاتیان و موڵکەکانیان، جێبەجێکردنی ستانداردە گشتییە ئەمنییەکان و وەڵامدانەوەی خێرا بۆ حاڵەتە نائاساییەکان هەڵسەنگێندرا.

لە لایەکی دیکەوە، سلێمان عەبدولباقی، سەرۆکی "کۆمەڵگەی ئازادی جەبەل العرب" ڕایگەیاند کە کەیسی ئەمنی لە پارێزگای سوەیدا پێسپێردراوە.

سەرچاوەیەکی تایبەتی لە وەزارەتی ناوخۆ، لە لێدوانێکدا بۆ تەلەڤزیۆنی سوریا بڵاویکردەوە، سلێمان عەبدولباقی لە بەڕێوەبەرایەتی پۆلیسی شاری سوەیدا، لێپرسراوی ئیدارەی ئاسایشی ناوخۆی پارێزگاکە دامەزراوە.(İLKHA)