تەقینەوەیەک لە مزگەوتێکی جاکارتای پایتەختی ئەندەنوسیا رووی دا و بەهۆیەوە ٥٤ کەس بریندار بوون.

تەقینەوەیەک لە کاتی نوێژی هەینی لە مزگەوتێکی ناو کۆمەڵگەی قوتابخانەکان لە جاکارتای پایتەختی ئەندەنوسیا رووی دا و بەهۆیەوە دەیان کەس بریندار بوون و گواسترانەوە نەخۆشخانە.

ئاسەپ ئیدی سوهێری، بەڕێوەبەری پۆلیسی شارەکە لە کۆنگرەیەکی ڕۆژنامەوانی تەلەفزیۆنیدا ڕایگەیاند، پۆلیس لێکۆڵینەوە لە هۆکاری تەقینەوەکە دەکات کە لە کیلاپا گادینگ لە باکووری جاکارتا رووی دا.

ئەو پسپۆڕە بە ئاماژەدان بەوەی ژمارەی ئەو کەسانەی کە گەیەنراونەتە نەخۆشخانەکان ٥٤ کەس بووە، ئاماژەی بەوەشکردووە، ژمارەی بریندارەکان لە سووکەوە تا سەخت بووە و هەنێکیان سووتاون.

کەناڵە هەواڵییەکانی کۆمپاست تیڤی و میترۆ تیڤی گرتە ڤیدیۆییەکانی گەمارۆدانی پۆلیسیان لە دەوروبەری قوتابخانەکەدا بڵاوکردەوە، کە ئەمبولانسەکانیش چاوەڕێی دەکەن. گرتە ڤیدیۆییەکانی خودی مزگەوتەکە هیچ زیانێکی گەورەیان نیشان نەداوە.

ئاژانسی هەواڵی دەوڵەتی ئەنتارا لە زاری لۆدیڤیک فرێدریچ، جێگری سەرۆک وەزیران و جێگری وەزیری ئاسایشی وڵاتەوە ڕایگەیاندووە، دوو تەقینەوە لە مزگەوتەکە روویان داوە.

کۆمپلێکسەکە دەکەوێتە سەر زەوییەکی زۆر دەریایی لە ناوچەیەکی پڕ دانیشتوو لە باکووری جاکارتا و ژمارەیەکی زۆر لە کارمەندانی سەربازی و ئەفسەری خانەنشینکراوی تێدایە.

تا ئێستا هیچ ئاماژەیەک نییە کە تەقینەوەکە رووداوێک بووە یان هێرشێک بووە.(İLKHA)