Peymana çarçoveyî ya di navbera Emrîka û Îranê de di çapemeniya îşxalê de bû sedema nîqaşeke tund. Rojname û televîzyonan îddîa kirin ku Tel Aviv ji pêvajoyê derketiye, di heman demê de hinek şîrovekaran peymanê wekî "şokek stratejîk", "teslîmbûnek şermîn" û "hilweşîna retorîka serkeftina tevahî" bi nav kirin.

Piştî peymana çarçove û mutebeqeta têgihîştinê ya di navbera Emrîka û Îranê de, rêze nirxandinên girîng di çapemeniya îşxalê de hatin weşandin. Her çend derdorên sîyasî û ewlehiyê şîrove kirin ku peyman berevajî hêviyên Tel Avîvê pêk hat jî, gelek nivîskar û analîstan ev pêşketin wekî têkçûnek dîplomatîk a cîddî ji bo hikûmeta Netanyahu hesibandin.

Di şîroveyên çapemeniya îşxalê de hate îddîakirin ku Serokê Emrîkayê Donald Trump di dema pêvajoya danûstandinan de îtîrazên Tel Avîvê paşguh kiriye û zext li Netanyahu kiriye ku peymanê qebûl bike. Hinek şîrovekaran diyar kirin ku tesîra Tel Avîvê di hevkêşeya herêmî de kêm bûye û ew nekariye roleke diyarker di pêvajoyê de bilîze. (ÎLKHA)