Bireveberîya Emrîkaya îşxalker, di vê pêvajoya ku bi Îranê re gengeşî heye de ji rejîma sîyonîst re sewqîyatekî nû û balkêş a çekan pêk anît.

Li gorî nûçeya KANa ku televîzyona dewlet a qaşo yê rejima sîyonîst e, di nav 24 seatên dawîn de 9 balafirên neqlîyeya leşkerî ya Emrîkayê, bi tevî cebilxaneyên ku di nav de bombeyên ku sitargehan jî qul dike hene daket Balafirgeha Hewaya Nevatîmê.

Tê îddîakirin ku ev sewqîyat, di çarçoveya hazirîya senaryoya êrîşa ku li dijî tesîsên nukleerî ya Îranê bê kirin de hatîye kirin.

Li gorî îddîaya KANê, rejima sîyonîst û Emrîka, heger mizakereyên ku bi Tehranê re tên kirin neserfiraz bin planeke ku li dijî binesazîya nukleerî ya Îranê re êrîşekî hevper li dar bixin danîne ser maseyê.

Hat diyarkirin ku cebilxaneya ku ji Emrîkayê hatîye şandin, ji baregehên Emrîkayê yên li Ewrûpa û Rojhilata Navîn hatine barkirin.

Tê desntîşankirin ku ev ne dawîya sewqîyatê ye. Hefteya borî jî bi dehan  balafirên neqlîyeya Emrîkayê ji rejima sîyonîst re, bombeyên MK-84 ku tonajên wan zêdene û fuzeyên aîdê sîstema parastina hewayê ya THAADê şandîye.

NYT: îsraîlê xwest ku di meha Gulanê de êrîşê Îranê bike

Rojnameya The New York Times a Emrîkayê nivîsand ku rejima sîyonîst ji Qesra Spî re ji bona ku di meha Gulanê de pêk bîne planekî êrîşê pêşkêşî kir û ev plan ji teref Serokê Emrîkayê Donald Trump ve hat redkirin.

Di xeberê de hat nivîsandin ku rejima sîyonîst bi taybetî dixwaze ku tesîsên nukleerî yên Natanz û Fordowê hedef bigre.

Trump jî anît ziman ku ew ji plana êrîşa ku tê qalkirin re “taloq navêje”, encax di vê pêvajoyê de pêşîvanîya wî mizakereyên dîplomatîkî ye. Ofîsa Serokwezîrtîya qaşo yê rejima sîyonîst jî, van îddîayayan nederewand.

Çapemenîya îşxalê: Tel Avîv, zextê datîne ser Washingtonê

Rojnameya Yedioth Ahronotha rejima sîyonîst, nivîsand ku bireveberîya Tel Avîvê ji bona ku li dijî Îranê sekinekî dijwar nîşan bide zextê datîne ser Emrîkayê, encax bireveberîya Trumpê niha naxwaze ku pevçûnê bide ber çavê xwe.

Rejima sîyonîst jî, derheqê bernameya nukleerî ya Îranê de ji ber sedema nêzbûna ji “nuqteya ku vegera wî tineye” re israr dike ku êrîş li Îranê bê kirin.

Analîzkeran jî diyar dikin ku rejima sîyonîst bi desteka Emrîkayê tinebe îxtîmala êrîşa li dijî Îranê îxtîmalekî hindik e encax destnîşan dikin ku Emrîkayê ji vê pêvajoyê re “di sehayê de na lê di warê lojîstîkî de” dexl bûye. (ÎLKHA)