Ebû Omer el-Sûrî, yek ji berpirsên payebilind ên Tûgayên Qessam û fermandarên berpirsiyarê lojîstîka leşkerî bû, li Xezzeyê şehîd bû.

Fermandar, ku navê wî yê rastî Hukm el-Îsa bû û bi nasnavê "Ebû Omer el-Sûrî" dihat nasîn, di Tûgayên Qessam de wekî Serokê Beşa Piştgiriya Leşkerî û Lojîstîkê kar dikir. Ew her wiha endamê Encumena Leşkerî ya Qessam bû.

Malbata Ebû Omer, ku bi eslê xwe li Sûriyeyê hatîye dinyayê, ji gundê Burqa yê bajarê Nablusê yê Filistînê ye. Ebû Omer di sala 2005an de li Xezzeyê bi cih bû û bû yek ji wan navan ku binesaziya perwerdehiya leşkerî ya Tûgayên Qessam ava kir. Bi hezaran mucahîd li akademiya leşkerî ya di bin serokatiya wî de hatî damezrandin perwerde dîtin.

Ebû Omer, ku wekî yek ji plankerên operasyona "Tûfana Eqsayê" ya ku di 7ê Cotmeha 2023an de pêk hat tê zanîn, roja Înê 28ê Hezîrana 2025an de di êrîşeke hewayî ya li ser Taxa Sabra ya Şerîda Xezzeyê de şehîd bû. Pîraka wî û nevîyê wî jî di êrîşê de şehîd bûn. (ÎLKHA)