Tevgera Berxwedana Îslamî ya Hemasê û Tevgera Berxwedana Cîhada Îslamî êrîşa esmanî ya sûcdar a Emrîkayê ya li ser Bendera Neftê ya Ras Îsa ya li parêzgeha Hudeyda ya Yemenê bi tundî şermezar kirin.

HAMASê di daxûyaniyekê de ragihand ku ev êrîşa hovane îxlalkirina eşkere ya serweriya Yemenê û tawaneke cengê ya tam e û tekez kir ku siyasetên êrişker ên Emrîkayê yên li dijî gelên azad li navçeyê berdewam in.

Di daxuyaniyê de hat gotin ku ev êrîşa Emrîkayê ya li dijî gelê Yemenê dirêjkirina şerê qirkirinê yê li dijî gelê Filistînê li Xezzeyê û êrîşa hevpar a Emrîka û îsraîlê ye.

HAMASê jî bi tundî rawestandina şandina xwarinê ji aliyê Bernameya Cîhanî ya Xwarinê bo navçeyên ku li Yemenê rastî êrişan hatine, bi tundî şermezar kir û ragihand ku ev yek êş û azarên gelê Yemenê yên di bin êriş û dorpêçê de zêdetir dike.

HAMASê bi şermezarkirina bêdengiya civaka navneteweyî li hemberî vê êrîşa li dijî gelê Yemenê, destnîşan kir ku gelê Yemenê ji ber pabendbûna bi prensîbên xwe û piştgiriya ji doza Filistînê ev bedel dan.

HAMASê hevgiriya xwe ya tam bi gelên bira yên Yemenê re nîşan da û pêzanînên xwe yên bilind ji gelê Yemenê ji bo piştevaniya wêrek û bibiryar ji doza Filistînê û bi taybetî ji tevgera "Ensarullah"ê ku berdewamiya piştevaniya gelê Filistînê û berxwedana li Xezzeyê dike, nîşan da.

Hamasê herwiha pêzanînên xwe ji berxwedana gelê Yemenê û hêzên çekdar ên wî welatî li hember êrişên Emrîkayê nîşan da û ji civaka navneteweyî û rêxistinên mafên mirovan xwest ku vê êrişa hovane şermezar bikin û ji mafê gelê Yemenê li berevaniya ji axa xwe û serweriya xwe piştgirî bikin.

Di daxuyanîya Cîhada Îslamî de jî hat gotin ku ev êrîş "zêdebûneke leşkerî ya nedîtî" ye û ev kiryar tawaneke şer a eşkere ye.

Di daxuyaniyê de her wiha bertek nîşanî rawestandina alîkariya xwarinê ya ji aliyê Bernameya Xwarinê ya Cîhanê ya Neteweyên Yekbûyî (WFP) ve li herêmên ku ji ber êrîşên Emrîkayê tên kirin, hat dayîn. Hat diyarkirin ku ev biryar tê wateya tevkariyê li êrîşên li dijî gelê Yemenê.

Cîhada Îslamî her wiha bêdengiya derdorên erebî û navneteweyî yên li hemberî êrişên Emrîkayê yên ser Yemenê rexne kir û got, "Gelê Yemenê ku li hemberî cinayetên dagirkeriyê yên li Xezzeyê helwesteke prensîb nîşan daye, tên cezakirin. Li hemberî vê yekê jî gelek welatên ereb û misilman li ser mazûvaniya sûcdarên şer û berdewamiya têkiliyên xwe yên bi rejîma sîyonîst re."

Êvara Pêncşemê, di encama zincîre êrîşên esmanî yên Emrîkayê de ser bendera Ras Îsa ya niftê li parêzgeha Hudeydê li rojavaya Yemenê, 38 yemenî şehîd û bi sedan jî birîndar bûn. Di nava şehîdan de xebatkarên bendergehê û xebatkarên tenduristiyê jî hene. (ÎLKHA)